O Grupo Popular no próximo pleno daralle traslado ao goberno provincial das peticións destas corporacións que só reciben 18.000 euros dos máis de 9,5 millóns do Plan Estratéxico de Subvencións
O Grupo provincial popular reitera a demanda dunha maior implicación da Deputación coas confrarías lucenses dentro do Plan Estratéxico de Subvencións
A cantidade de 18.000 que a Deputación destina as confrarías só representa un 0,19% do total do Plan Estratéxico de Subvencións, o que non supón unha garantía de apoio ás máis de 1.400 persoas vinculadas ao sector
Tendo en conta as contías das axudas que as outras deputacións outorgan ao fomento pesqueiro e que dobran á lucense, e tras ser coñecedores da firma do convenio de só 3.000 euros con cada confraría; o Grupo Popular reitera as súas criticas respecto a estas baixas aportacións do organismo lucense á pesca e ao marisqueo, un sector que xerou máis de 120 millóns de euros en 2012
Lugo, 17-09-2012 – Tras ser coñecedores da firma do convenio entre a Deputación provincial de Lugo e as confrarías lucenses que pese as demandas do sector non incrementa a súa contía; o Grupo Provincial do Partido Popular reitera unha vez máis maior implicación da Deputación provincial coas confrarías de pescadores e mariscadoras da provincia. O PP levará ao próximo pleno unha iniciativa plenaria a través da que insta á Deputación provincial de Lugo a que incremente o apoio económico ás confrarías de pescadores de Lugo, que só reciben 18.000 euros dos máis de 9,5 millóns recollidos no Plan Estratéxico de Subvencións.
A portavoz provincial do Partido Popular, Elena Candia, considera totalmente rexeitable que a Deputación de Lugo só destine ás confrarías de pescadores da provincia un 0,19 % do orzamentado para o 2012 no Plan Estratéxico de Subvencións. O grupo do Partido Popular de Lugo lamenta que a Deputación lle dea a espalda a un sector que está demandando unha maior implicación do organismo provincial, tal e como lle trasladaron ao Partido Popular durante a xuntanza na que consensuaron a iniciativa plenaria cos patróns maiores de Lugo. Así, o grupo popular propóralle ao goberno lucense a articulación dunha convocatoria anual de subvencións enmarcada dentro dun programa de fomento pesqueiro e destinada ás confrarías.
A cantidade total de 18.000 euros divídese en subvencións nominativas individuais de 3.000 euros outorgadas á Agrupación de Mariscadoras de San Cosme de Barreiros, así como a cinco das seis confrarías lucenses (Confraría de Pescadores do Vicedo, Confraría de Pescadores Santiago Apostol de Celeiro, Confraría de Pescadores Santa María do Campo de Ribadeo, Confraría de Pescadores de Burela e a Confraría de Pescadores de San Ciprián), quedando sen axuda a Confraría de Foz. Segundo explica a portavoz popular, esta consignación non é garantía para que as institucións fundamentais de vertebración do sector pesqueiro cumpran cos seus obxectivos. Candia explica así mesmo que dos máis de 4,3 millóns do orzamentado para as subvencións nominativas, as confrarías só reciben o 0,41%.
Os populares pretenden que con esta moción o goberno provincial cambie o seu modo de traballo e non desatenda a pesca e ao marisqueo, que xera máis 120 millóns de euros en 2012, cun ascenso dun 34% na facturación dende 2009. Deste xeito, a Mariña representa o 25% en volume económico e o 30% en descargas de Galicia.
Os populares critican a pouca colaboración do organismo provincial coas máis de 1.400 persoas vinculadas directamente á pesca e ao marisqueo lucense, o que, segundo explica Candia, posto en relación co emprego inducido en terra, dá imaxe da importancia sociolaboral que este eido produtivo ten na provincia.
Esta demanda dos populares apoiase tamén na comparativa entre as aportacións que as Deputacións de Pontevedra e A Coruña dirixen ao fomento pesqueiro, duplicando as contías en relacións coas consignadas polo organismo lucense.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
Durante tres días desfrutan dun programa intenso de actividades na natureza: montaxe e desmontaxe do campamento, surf en Esteiro, tiro con arco, xincana e diversos xogos. A iniciativa está promovida polas Concellerías de Xuventude e Deporte xunto coa Oficina de Información Xuvenil.
Olimpia López, supervisou hoxe en Cospeito un control da campaña de velocidade da DGT, que busca previr sinistros nun verán de maior tráfico. Lembrou que a velocidade inadecuada está presente no 22 % dos accidentes mortais e apelou á responsabilidade dos condutores: cada km/h conta para salvar vidas.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
Estiveron acompañados polas técnicas de xuventude Mónica López Sanjurjo e Silvia Rodríguez Barreiro, para gozar das diferentes piscinas e tobogáns deste parque acuático. A viaxe estivo organizada polas Concellerías de Xuventude e Deporte e pola Oficina de Información Xuvenil dentro do programa Verán a Tope en Xove 2026.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
O evento, organizado pola Asociación Cultural Xuvenil O Castelo reuniu a numerosos veciños e visitantes e celebrouse durante catro días. A programación incluíu actuacións musicais, actos relixiosos, xogos tradicionais e unha comitiva da camións, coches e motocicletas que percorreron todas as parroquias deste concello mariñán.
