PRETO DE 16.000 ESTUDANTES DE EDUCACIÓN SECUNDARIA, BACHARELATO E ENSINANZAS DE RÉXIME ESPECIAL INICIARON HOXE CON NORMALIDADE O CURSO 2012-13 NA PROVINCIA DE LUGO
- Nas aulas de Educación Secundaria Obrigatoria (ESO) da provincia, 9.285 rapazas e rapaces comezaron as clases
Lugo, 17 de setembro de 2012.- Un total de 15.793 estudantes, segundo os datos provisionais, iniciaron no día de hoxe o curso 2012-13 clases en Educación Secundaria Obrigatoria (ESO), Bacharelato e Ensinanzas de réxime especial nos centros educativos da provincia de Lugo.
Ademais a xornada de hoxe tamén ábrese para os ciclos formativos de Formación Profesional e nos Programas de Cualificación Profesional Inicial (PCPI) que se imparten nos institutos de educación secundaria (IES) e nos Centros Integrados de Formación Profesional (CIFP) de Lugo. Os datos de número de matriculados nestas ensinanzas coñeceranse nas vindeiras semanas, unha vez remate o prazo de matriculación de alumnas e alumnos na segunda adxudicación do período extraordinario de admisión
Neste sentido, cómpre lembrar que este curso implántanse de forma anticipada en toda Galicia 27 títulos de formación profesional, que responden ás cualificacións que demandan os sectores produtivos galegos, o que significa 2600 novas prazas na comunidade -máis dun 12% por riba do curso anterior-.
Educación Secundaria
Os 9285 alumnos que hoxe comezan o curso en centros lucenses que imparten ESO distribúense segundo a titularidade dos centros do seguinte xeito:
| Centros públicos | Centros privados non concertados | Centros privados concertados | |
| Lugo | 7.213 alumnos | 241 alumnos | 1.831 alumnos |
Nesta etapa educativa destaca un aumento do alumnado non nacionalizado español, que chega aos 776 alumnos, o que supón 102 alumnos máis que no curso precedente.
| 2011/2012 | 2012/2013 | |
| Lugo | 674 alumnos | 776 alumnos |
Bacharelato ordinario
Polo que respecta ao bacharelato ordinario, un total de 3327 estudantes comezaron no día de hoxe as clases na provincia. Destes mesmos, son 1670 os alumnos matriculados no primeiro curso do bacharelato. No segundo curso, son 1657 os estudantes matriculados na provincia.
Por distribución segundo a titularidade dos centros, a táboa é a seguinte:
| Centros públicos | Centros privados | |
| Lugo | 3.054 alumnos | 273 alumnos |
Nesta etapa educativa o alumnado non nacionalizado español aumenta lixeiramente respecto do curso pasado, pasando de 84 alumnos a 92.
Ensinanzas regradas de música
Para o curso 2012-2013, os datos provisionais de alumnado para as ensinanzas regradas de Música recollen 1167 matriculados en Lugo, dos 8147 totais cos que conta a comunidade galega. En base a se os alumnos estudan en conservatorios de música ou en centros autorizados, a táboa sería a seguinte:
| Conservatorios de música | Centros autorizados de música | |
| Lugo | 1.012 alumnos | 155 alumnos |
Outras ensinanzas regradas
En total son 353 os matriculados en Ensinanzas regradas de Danza e Arte Dramático para o vindeiro curso 2012-2013 en toda Galicia, dos que 192 corresponden a Lugo. Así mesmo, na provincia de Lugo tamén inician hoxe as clases 94 matriculados en ensinanzas de Artes Plásticas e Deseño. Por último, o inicio do exercicio 2012-13 tamén supuxo o comezo das clases para os 22 matriculados en ensinanzas deportivas.
Ensinanzas de adultos
No que atinxe ás ensinanzas para adultos, os datos provisionais recollen que 1.706 estudantes deron comezo ao curso 2012/2013 na provincia de Lugo.
Por tipo de ensinanzas a distribución é a seguinte:
| Lugo | |
| Ensinanzas básicas nivel I e II | 114 alumnos |
| Ensinanzas de secundaria para adultos | 703 alumnos |
| Bacharelato presencial | 317 alumnos |
| Bacharelato semipresencial/distancia | 572 alumnos |
Foi promovida polo ximnasio ABFitness en colaboración co Concello de Ribadeo para promover a vida activa e o deporte neste municipio. O concelleiro de Deportes, Francisco José Silvent, declarou: “agardamos seguir a colaboración e que cheguen a este concello máis actividades e propostas para impulsar a vida activa e o estilo de vida saudable”.
A artista Catuxa Salom presentará o seu espectáculo o sábado 30 de maio, ás 22:30 horas. O concerto forma parte da programación cultural apoiada pola Xunta de Galicia, Xacobeo 2027, Artye e Urdime. As entradas están dispoñibles de maneira anticipada por 12 euros, mentres que na billeteira do recinto terán un prezo de 15 euros. A venda anticipada realízase a través da plataforma Woutick.
López Campos salientou o apoio da Xunta a esta cita pola súa relevancia cultural e polo seu papel na dinamización do rural, así como pola forte implicación veciñal que a sostén. Durante o acto, entregou un dos premios do concurso escolar de relato e debuxo, integrado nun programa que combina artesanía, produtos de calidade, obradoiros e música. Pola súa banda, Iria Castro percorreu os postos das filloeiras, que ofreceron centos de racións deste doce tradicional aos numerosos visitantes. A deputada tamén visitou o punto de degustación de xamón de porco celta do programa Un gusto de rural, un rural degusto e o posto de divulgación Lambiscadas Científicas, dúas propostas impulsadas coa colaboración da Vicepresidencia da Deputación e integradas na programación da feira.
Carlos López destacou que a Deputación colabora con esta cita –a través dunha achega de 3.000€- porque é unha das celebracións gastronómicas máis coñecidas do norte de Galicia, capaz de poñer en valor a tradición culinaria e a riqueza natural do entorno. Durante toda a mañá tiveron lugar na contorna da Praza dos Fornos os concursos de lance e mosca, unha exhibición de pesca, a pesada e as clasificacións. Xa pola tarde, tras a entrega dos trofeos, tivo lugar a verbena a cargo de Suavecito e Pedro Bermdez.
Haberá degustación diaria de ostras na carpa do porto. Concertos, showcookings, visitas guiadas e actividades mariñeiras. Lancha pola ría, exposición de maquetas e concurso fotográfico #somoslasostra2026, ademais propostas especiais en Acueo, La Casilla e Restaurante Peñalba.
A presentación correrá a cargo de Marisa Barreiro, presidenta do IESCHA. O acto terá lugar o venres 8 de maio de 2026, ás 20:00 horas, na Casa da Cultura de Vilalba.
A área de Deportes reforzará o seu respaldo ao club cunha subvención excepcional ligada á presenza neste torneo estatal. O vicepresidente Efrén Castro visitou este mércores o equipo en Castro Ribeiras de Lea para trasladarlles ánimo e destacar a importancia de competir a este nivel para dar visibilidade ao deporte feminino e avanzar na igualdade. Ademais deste apoio puntual, a Deputación financia de maneira estable a actividade do club cunha subvención nominativa de 70.000 euros, a principal achega institucional ao seu funcionamento.
