OS AFECTADOS POLOS ERROS DAS LECTURAS DA LUZ PRESENTAN UN INFORME NO CONCELLO ANTE O DESINTERESE AMOSADO POR VILLARES
-Os socialistas piden consensuar “unha actuación conxunta e contundente ante Industria para frear dunha vez por todas as irregularidades na facturación eléctrica”
-Subliñan que “o señor alcalde xa ten todo feito, só ten que trasladar a reclamación e tratar de solucionar o problema de inmediato”
CERVO, 6 DE SETEMBRO. Os socialistas de Cervo aseguran que ante a falta de actitude e desinterese total por parte do alcalde, Alfonso Villares, “un grupo de afectados de San Ciprián presentaron un informe no Concello, con rexisto de entrada nº3655, no que exponen perfectamente a situación e reclaman a intervención do goberno local ante a Consellería de Industria”.
Os membros do GMS aseguran que “a través da empresa Energest, afincada en Cervo, os veciños expoñen un informe detallado coas irregularidades nas lecturas de luz, consellos das compañías en relación ó cambio de contadores, facturación, cortes, reenganches, reclamacións…”
Consideran urxente que o rexedor actúe de inmediato ante os problemas que están tendo os veciños coas facturas da luz e engadiron que “o señor alcalde dispón da información detallada que esperaba, tan detallada que os veciños xa lle dan todo feito. O único que ten que facer é trasladar a petición a Industria, polo que esperamos que se poña a traballar no asunto sen máis dilación”.
Dende o PSOE de Cervo esperan que a súa solicitude sexa tida en conta e que “se convoque dunha vez por todas a xunta de portavoces pola que agardamos máis dun mes, para tratar conxuntamente as medidas a tomar pola institución municipal e poder defender canto antes os intereses dos nosos veciños”.
O domingo 20 de decembro a Praza César Chavarría acollerá de 11:00 a 20:00 horas unha nova edición do Mercadiño de Nadal organizado polo Concello de Lourenzá, “unha cita para desfrutar do ambiente destas datas e compartir unha xornada especial na nosa vila”, anuncia a alcaldesa, Rocío López. O prazo de inscrición para instalar cun posto xa está aberto e a participación é totalmente gratuíta. As solicitudes poden facerse ata o 16 de decembro nas oficinas do Concello de Lourenzá ou a través do teléfono 982.121.006.
Durante 45 minutos, tres malabaristas —Pablo Reboleiro, Aitor Garuz e Santiago Montero— mergúllanse nun caos divertido onde ninguén manda e todo flúe entre xogos de poder, equilibrios imposibles e humor. A obra amosa como, no mundo dos malabares, romper os patróns establecidos pode levar a descubrir que a verdadeira maxia está en aprender a xogar xuntos.
No encontro, abordáronse temas como a posibilidade de colaborar na mellora da formación dos traballadores, destacando a importancia que ten ese aspecto neste sector estratéxico para Galicia. Tamén se trocaron puntos de vista relativos ás condicións laborais dos profesionais do mar.
Pasadas as 13:30 horas deste luns, o 112 Galicia tivo constancia, a través de Urxencias Sanitarias de Galicia-061, dun ciclista que se atopaba en parada cardiorrespiratoria no quilómetro 1 da LU-151, á altura da parroquia de Fazouro. De inmediato, os xestores do Centro Integrado de Atención ás Emerxencias solicitaron a colaboración dos axentes da Garda Civil de Tráfico e da Policía Local de Foz. Malia os esforzos, os profesionais sanitarios só puideron confirmar o falecemento da persoa.
A variada oferta de produtos de artesanía e de alimentación de temporada e proximidade á venda complementouse con degustacións de minihamburguesas de carne de raza Limiá e empanada de carne de porco celta e tenreira de raza Caldelá, que se repartiron gratuitamente entre as peroas que fixeron algunha compra no Mercadiño.
Os cortes produciranse do punto quilométrico 2,800 ao final da vía. Habilitaranse desvíos alternativos que estarán debidamente sinalizados.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
