RAFAEL FUENTES, CAMPIÓN ABSOLUTO DA XIV CARREIRA POPULAR CONCELLO DE VIVEIRO
Antonio Veiga explicou que “esta competición, na que se dan cabida deportistas de todas as idades, fomenta o deporte de base, un dos principais obxectivos da área de Deporte da Deputación de Lugo”
Viveiro, 22 de setembro de 2012. O atleta Rafael Fuentes foi o gañador absoluto da XIV Carreira Popular Concello de Viveiro, organizada polo Club de Atletismo Egovarros, e que desde fai uns anos tamén se coñece polo nome de Julián Bernal, polo atleta ferrolá do Egovarros falecido. O Vicepresidente da Deputación de Lugo e responsábel das áreas de Benestar Social e Deporte, o nacionalista Antonio Veiga, fixo entrega dos premios aos gañadores e participantes da mesma.
“Estamos ante unha das probas de atletismo con máis calado da comarca, na que participaron uns 500 deportistas, dende as categorías máis pequenas, fomentando así o deporte de base, un dos principais obxectivos que nos marcamos dende a área de Deporte da Deputación de Lugo”, explicou o vicepresidente do ente provincial.
Ao longo da mañá disputáronse as probas das categorías biberón, benxamín, alevín, infantil, tanto feminina como masculina, e cadete feminina, mentras que pola tarde tivo lugar a carreira absoluta, cun percorrido de 12 kilómetros, na que participaron cadetes masculinos, xuvenís, séniors e veteranos.
A deportista homenaxeada nesta edición desta carreira popular foi a atleta Esther Pedrosa, unha das deportistas galegas máis laureadas da historia, con un palmarés no que figuran un título de España de gran fondo ns 20 kilómetros, así como varias medallas en probas de maratón e gran fondo nas décadas dos 80 e dos 90, ademais de numerosas presencias internacionais.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
O deputado galego Francisco Millán Mon explicoulles o día a día da súa actividade nesta cámara e a importancia da Unión Europea para Galicia e viceversa. Desde a dirección do centro agradecen “a súa exposición e o trato dispensado ao alumnado e profesorado desprazado a Bruxelas”. Neste 2026 cúmprense 40 anos da adhesión de España á Comunidade Económica Europea, así se denominaba naquel momento. O IES de Ribadeo é Escola Mentora do Programa Escolas Embaixadoras do Parlamento Europeo.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
A mostra, aberta na sala de exposicións do Auditorio Municipal de luns a venres entre as 18:00 e as 22:00 horas, reúne preto de 30 obras de artistas emerxentes e consolidados, ofrecendo diversas miradas sobre a paisaxe, a identidade, a memoria e a realidade contemporánea. A alcaldesa, Marta Rouco, destacou o valor de que Vilalba forme parte desta programación compartida e o impacto positivo que supón para a actividade cultural local.
