O PSdeG reúnese coa Asociación de Axuda ao Enfermo Mental e cos produtores da faba de Lourenzá na Mariña
– José Ramón Val recolle a proposta de poñer en marcha un centro especial de emprego para dar traballo a quince persoas discapacitadas
– O número 3 da candidatura na provincia loitará para que a Indicación Xeográfica Protexida da faba de Lourenzá “teña o recoñecemento que debe ter e isto se vexa reflectido nunha mellora dos prezos”
Esta mañá varios representantes do PSdeG PSOE, encabezados por José Ramón Val Alonso, coordenador na Mariña luguesa e número 3 da candidatura provincial, tiveron sendas reunións cos produtores da faba en Lourenzá e, posteriormente, coa directiva da Asociación de Axuda ao Enfermo Mental da Mariña, na sede socialista de San Cibrao. Os socialistas recolleron as súas demandas e comprometéronse a traballar por facelas posibles, ademais de adquirir o compromiso de seguir mantendo reunións periódicas con ambas asociacións para ir vendo os pasos acadados.
Na reunión en Lourenzá, Val Alonso recolleu as preocupacións dos produtores da faba, centradas sobre todo “nas dificultades para a comercialización e os baixos prezos que están a ter”, ademais “infrautilización dos locais da lonxa de venda en Lourenzá, e a falta dun lugar onde almacenar e escoller o seu produto”. O PSdeG comprometeuse a “poñer en marcha un sistema que permita a comercialización conxunta do produto, ademais de demandar a posta en funcionamento de espacios para que poidan desenrolar o seu traballo nas mellores condicións”, ademais de loitar para que a IXP (Indicación Xeográfica Protexida) “teña o recoñecemento que debe ter e que isto se vexa reflectido nunha mellora dos prezos”.
Posteriormente, na reunión coa directiva da Asociación de Axuda ao Enfermo Mental da Mariña, a presidenta e o vicepresidente da mesma trasladaron as súas necesidades centradas sobre todo en dotar o Centro Ocupacional que a asociación ten en Cervo, con capacidade para 50 persoas, de medios materias ademais de poder mellorar as súas infraestruturas de transporte. “Recollimos outra proposta, que é a posta en marcha dun centro especial de emprego onde poderían ter posibilidade de traballo 15 persoas discapacitadas”, explica Val Alonso.
Ambas reunións enmarcáronse dentro dunha xornada na que o PSdeG realizou máis de 25 actos en toda Galicia para aproximarse ás necesidades dos cidadáns en todos os sectores
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
O deputado galego Francisco Millán Mon explicoulles o día a día da súa actividade nesta cámara e a importancia da Unión Europea para Galicia e viceversa. Desde a dirección do centro agradecen “a súa exposición e o trato dispensado ao alumnado e profesorado desprazado a Bruxelas”. Neste 2026 cúmprense 40 anos da adhesión de España á Comunidade Económica Europea, así se denominaba naquel momento. O IES de Ribadeo é Escola Mentora do Programa Escolas Embaixadoras do Parlamento Europeo.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
A mostra, aberta na sala de exposicións do Auditorio Municipal de luns a venres entre as 18:00 e as 22:00 horas, reúne preto de 30 obras de artistas emerxentes e consolidados, ofrecendo diversas miradas sobre a paisaxe, a identidade, a memoria e a realidade contemporánea. A alcaldesa, Marta Rouco, destacou o valor de que Vilalba forme parte desta programación compartida e o impacto positivo que supón para a actividade cultural local.
