O BNG CONSIDERA DEMOSTRADO QUE FEIJOO E RAJOY SON DOUS AUTÉNTICOS PERIGOS PÚBLICOS
Ana Ermida afirma que Feijoo non é de fiar pois botou tres anos mentindo aos mariñaos
Os nacionalistas presentan a súa candidatura en Ribadeo
A Mariña, 16 de setembro de 2012. As Catro Rúas de Ribadeo acolleron, na xornada de hoxe, un acto da campaña que os nacionalistas están a desenvolver na Comarca desde o mes de xuño baixo o título de “Futuro para A Mariña” e que serviu para presentar aos candidatos da zona nas listas do BNG polo circuscripción de Lugo.
Segundo Xavier Campos, que abriu o acto acompañado polos candidatos nacionalistas, polo Alcalde de Ribadeo e polo Responsábel Comarcal do BNG, “só A Mariña existe no programa e nas candidaturas do BNG, unhas candidaturas formadas por homes e mulleres cun compromiso e capacidade contrastada na defensa dos intereses da comarca, unhas candidaturas que son un espello da realidade territorial da Mariña, da súa sociedade, das súas loitas é dos seus problemas”. Xavier Campos, Concelleiro en Ribadeo, persoa vinculada ao movemento cultural, número cinco na candidatura do BNG pasou a nomear aos mariñaos que o acompañan na candidatura “no número tres Ana Ermida Igrexas, Licenciada en Direito, Xerente do GDR da Mariña e Concelleira en Barreiros; no número nove Xosé Paleo Rodríguez, veciño de Foz, traballador de Alcoa e membro do Comité de Empresa de Alcoa; no número once Marco López López, traballador da admistradción de xustiza e Portavoz Municipal en Xove; e no número trece Bernardo Fraga Galgo, arquitecto técnico e Tenente de Alcalde en Viveiro”. Asemade completan a candidatura como suplentes Dores Fernández Abel, ensinante do IES de Ribadeo e Portavoz da CIG-Ensino e Mario Pillado Mon, veciño de Burela, enxeñeiro químico e membro do Consello Comarcal do BNG.
Ana Ermida afirmou que “o tándem Rajoy e Feijoo demostraron, un na Xunta e outro no Goberno do Estado, que son dous perigos públicos. Un e outro que acederon ao Goberno co compromiso de rematar co paro amosáronse como dúas maquinas de destruír empregos, dúas maquinas de eliminar os servizos públicos básicos, de xeito moi notorio no ensino e na sanidade, até o punto de que a pervivencia do Hospital da Costa en Burela depende de que Feijoo sexa derrotado nas eleccións. Porque Feijoo e Rajoy preséntanse cun programa oculto, un programa que significa máis recortes, mais paro e desde logo proceder a reducir as pensións unha vez que rematen as eleccións após o 21 de Outubro”. “Ou os paramos ou acaban con nos”, continou Ermida, que chamou “a rescatar ao pobo o 21 de outubro, un rescate do que os mariñaos temos que ser protagonistas”.
A candidata do BNG indicou que “non nos podemos fiar nin de Rajoy nin de Feijoo, pois o un e o outro, no exerzizo do goberno non fixeron outra cousa que facer o contrario que nos prometeran nos seus programas eleitorais. Non son de fiar porque xa demostraron á xente que mentían”. Ana Ermida exemplificou a súa falta de palabra no acontecido coa suba do IVE, na perda do poder adquisitivo ou na reforma na laboral. “Menten máis que falan e néganse a darlle solucións aos problemas dos galegos e da comarca como vemos estes días coa súa posición en relación coa situación de Alcoa. É hora de que Rajoy e Feijóo poñan solucións enriba da mesa, pois está en xogo o futuro da Mariña. Perto de dous mil empregos directos, arredor do 30% do PIB de Lugo, o principal factor de anovamento demográfico da comarca, uns ingresos en salarios para os traballadores de mais de oitenta millóns de euros, unha actividade no sector servizos dependente da man de obra ocupada na factoría de San Cibrao e un sistema público que sería laminado coa coartada da deslocalización da empresa”, sinalou Ermida.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
O deputado galego Francisco Millán Mon explicoulles o día a día da súa actividade nesta cámara e a importancia da Unión Europea para Galicia e viceversa. Desde a dirección do centro agradecen “a súa exposición e o trato dispensado ao alumnado e profesorado desprazado a Bruxelas”. Neste 2026 cúmprense 40 anos da adhesión de España á Comunidade Económica Europea, así se denominaba naquel momento. O IES de Ribadeo é Escola Mentora do Programa Escolas Embaixadoras do Parlamento Europeo.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
A mostra, aberta na sala de exposicións do Auditorio Municipal de luns a venres entre as 18:00 e as 22:00 horas, reúne preto de 30 obras de artistas emerxentes e consolidados, ofrecendo diversas miradas sobre a paisaxe, a identidade, a memoria e a realidade contemporánea. A alcaldesa, Marta Rouco, destacou o valor de que Vilalba forme parte desta programación compartida e o impacto positivo que supón para a actividade cultural local.
