SAN CIBRAO ACOLLERÁ O BURELA FS-VIAXES AMARELLE, DA COPA GALICIA (MÉRCORES 5, 20.30 HORAS)
O fútbol sala repite por segunda semana consecutiva en San Cibrao. Tras a gran resposta do Burela FS-Automoción La Junquera, o presidente da entidade laranxa, José Ramón González Casas, e o alcalde de Cervo, Alfonso Villares Bermúdez, reuníronse no pavillón da Veiga para presentar un novo espectáculo deportivo, o encontro entre o Burela FS Pescados Rubén e o Viaxes Amarelle. A cita, correspondente á fase de grupos da XXII Copa Galicia Feminina, disputarase mañá, a partir das 20.30 horas.
Ademais de incidir no agradecemento pola colaboración do Concello de Cervo, José Ramón González Casas animou “os amantes do fútbol sala para que veñan gozar dun duelo da Primeira División”. “En Cervo hai unha grande afección a este deporte, xa o puidemos sentir a semana pasada no amigable masculino. Esperamos volver estar arroupados por ese ambiente”, dixo o presidente burelista.
Alfonso Villares coincidiu co dirixente do CD Burela FS en destacar a afluencia da anterior cita laranxa. Para o alcalde “é todo un luxo ver xogar ao Burela FS en dúas ocasións seguidas, primeiro ao equipo masculino nun amigable e agora ao feminino nun encontro de competición. Dúas formas de xogar e dous equipos de Primeira que temos a sorte de poder acoller nas nosas instalacións”.
Este será o segundo encontro do conxunto laranxa en pretempada, como antesala da liga da máxima categoría. Estreouse con outro dos rivais de 2012-13 o 24 de agosto, no I Trofeo Cidade das Burgas, con vitoria e título sobre o anfitrión ourensán (0-4).
Valdetires
As pupilas de Javier Pardeiro xogarán o segundo e último partido da fase o sábado, 8 de setembro, ás 16.30 horas, no pavillón municipal da Malata, fronte ao Valdetires Ferrol FSF, da Segunda División.
Xunto ao Grupo B, no que está integrado o cadro mariñán, tamén participan Ponte Ourense SAD, Poio FS e Fisober FSF, no Grupo A, e Cidade das Burgas, Leis Pontevedra, A Fervenza e O Montiño Concello de Mos, no Grupo C.
Tras o primeiro envite, os campións de cada grupo e o segundo clasificado do Grupo C accederán ás semifinais, que se realizarán por sorteo a partido único, na cancha do peor clasificado. Os gañadores loitarán polo título na gran final, con data e lugar pendentes de designar.
Dez minutos antes das 21:30 horas do xoves, o 112 Galicia foi informado polo persoal de Adif dun tren detido no medio dun túnel en Mogor, Mañón, debido a unha chapa metálica no medio da vía. Así, aínda que as doce persoas que viaxaban a bordo estaban ilesas, precisaban medios de rescate para baixalas do convoi e desprazalas ata o apeadeiro máis próximo. Nestas tarefas colaboraron a Garda Civil, os Bombeiros do Eume, o GES de Ortigueira e os voluntarios de Protección Civil de Mañón. Finalmente, as persoas foron rescatadas e evacuadas a outro tren, que as levou ata o apeadeiro sen maiores complicacións. Desde alí, continuaron a súa viaxe en taxi.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
Ás 15:15 horas deste martes, un particular solicitou asistencia sanitaria tras a caída dun raio no lugar de Castro de Igrexa (Cazás, Xermade). Varias persoas sentiron os efectos da descarga eléctrica e unha delas quedou atolada. Tras dar aviso ao Servizo de Urxencias Sanitarias de Galicia-061, Garda Civil e Protección Civil, a persoa afectada foi evacuada consciente ao Hospital Universitario Lucus Augusti.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
A viaxe, enmarcada no proxecto «Relevo Xeracional: O Futuro do Mar» e organizada en colaboración co GALP Itsas Garapen Elkartea, permitiu achegarse a iniciativas como Kofradia Basque Seafood, a Escola de Pesca de Ondarroa, AZTI, Albaola ou o Itsas Museo de Donosti, así como a proxectos vinculados directamente á actividade pesqueira e á divulgación, incluíndo o uso de realidade virtual. O intercambio con Euskadi permitiu coñecer modelos que combinan formación, investigación, transmisión do coñecemento e modernización do sector, contribuíndo a identificar novas vías para facilitar a incorporación da mocidade á actividade pesqueira e garantir a continuidade das comunidades costeiras galegas.
