O CONCELLO REPARTE ALIMENTOS ENTRE 150 FAMILIAS PARA PALIAR AS NECESIDADES QUE ESTÁN A SOFRIR POLA CRISE. O EQUIPO DE GOBERNO DESTINOU UNHA PARTIDA ECONÓMICA A ESTE FIN E ASINOU UN CONVENIO COA FUNDACIÓN ALIMERKA.
Ribadeo, 4 de setembro de 2012. Arredor de 150 familias de Ribadeo se están a beneficiar das medidas adoptadas pola Concellaría de Servizos Sociais para paliar as necesidades que están a sofrir pola crise.
A edil Teresa González Piñeiroa explicou que “desde o Concello destinamos unha partida de cartos para a compra de alimentos, porque detectamos que hai persoas que o están a pasar mal, hai persoas maiores, familias con nenos ou familias numerosas”. E subliñou que “nos vimos obrigados a levar adiante esta medida porque os excecentes que nos chegaban da Unión Europea a través da Cruz Vermella non eran suficientes para cubrir e atender as necesidades que teñen 150 familias en Ribadeo”. González Piñeiroa dixo que “en moitas ocasións non acuden libremente a pedir axuda, porque lles da un certo reparo. Facemos unha chamada a aquelas persoas que se vexan con necesidade ou que saiban de alguén que poida precisar desta axuda para que se poñan en contacto con nós, dentro das nosas posibilidades tentaremos axudarlles”.
Ademáis hai semanas o Concello asinou un convenio coa Fundación Alimerka, “neste supermercado de Ribadeo recollemos de martes a venres os excedentes de repostería doce e salada como empanadas, empanadillas, recheos de xamón e queixo, croissants, napolitanas, etc… e despois Servizos Sociais, a educadora familiar, sería a responsable de repartir estes alimentos entre as familias máis necesitadas da nosa vila”. Teresa González considera que “así imos cubrindo as carencias do día a día, porque cos excedentes da Cruz Vermella repártense leite, pasta, galletas e cos perecedeiros aínda seguimos necesitados. Temos cuberta a parte de repostería, pero quédannos froitas e verduras e seguiremos traballando para tentar conseguilo”.
A concelleira de Servizos Sociais agradécelle á Fundación Alimerka “a súa implicación e colaboración co Concello de Ribadeo. É de valorar que un supermercado que non ten a súa sede aquí se faga eco das necesidade dos nosos veciños e veciñas. En canto nos puxemos en contacto con eles sempre se amosaron predispostos a colaborar co Concello. Eu sempre digo que a unión fai a forza e que si as institucións, os organismos e a sociedade nos xuntamos poderemos chegar a máis xente”.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
Os deslizadores acuáticos enchen de diversión a praia dos Bloques. Onte, martes, estiveron operativos pola tarde e hoxe, mañá e o venres estarán dispoñibles de 11:30 a 14:00 horas e de 16:00 a 19:30 horas. O concelleiro de Deportes, Francisco José Silvent, anima á rapazada “a achegarse á praia dos Bloques a gozar das actividades de verán que deseñamos desde o Concello. Hóuboas para todos os gustos e idades tanto na pista multideporte como na praia dos Bloques. Agardamos que disfruten estes días cos deslizadores acuáticos, xogando e pasando un mes de agosto o máis divertido posible”.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
