A XVI Artesanfroilán abre as súas portas sendo referencia do sector en Galicia pola súa calidade e rendibilidade
– Gómez Besteiro e Polín asistiron á apertura desta tradicional mostra que a Deputación de Lugo pon en marcha por estas datas para promocionar a artesanía lucense de cara ó exterior e apoiar a celebración das festas
– 25 artesáns venderán pezas de xoiería, bisutería, cerámica, téxtil, coiro, madeira, pintura, vidro e flor seca e outros 8 amosarán a súa visión das festas con traballos en diferentes técnicas artesanais
– Artesanfroilán abrirá na carpa instalada na Praza de Anxo Fernández Gómez, detrás da Casa do Concello, ata o día 12 deste mes, en horario de 11:00 a 14:30 horas e de 17:00 a 21:30 horas, agás o día 12, no que pechará ás 21:00 horas. A entrada é totalmente gratuíta
O Presidente da Deputación, José Ramón Gómez Besteiro, e a Deputada de Deseño e Artesanía, Regina Polín, acompañados polos artesáns presentes na mostra, abriron as portas da 16ª edición do Artesanfroilán, a feira de artesanía que, como xa é habitual dende hai anos, a Deputación de Lugo pón en marcha durante as festas do San Froilán e que ten coma obxectivos dar a coñecer a riqueza artesanal da provincia de cara ó exterior, aproveitando a enorme afluencia de visitantes que durante estes días recibe a cidade, ó tempo que apoian uns festexos que supoñen un importante impulso á economía local.
Ano tras ano, o San Froilán deixa na cidade máis de 15 millóns de euros en beneficios, superando amplamente o custe que supón a súa organización. Tal e como destacou o máximo responsable provincial “é un feito que o apoio a iniciativas que atraen visitantes son un impulso máis que notable para as localidades que as acollen e para as limítrofes, porque son todos os sectores os que vén incrementados os seus ingresos”. Tamén quixo subliñar que este apoio “debe ter continuidade no tempo e non limitarse ás datas festivas”. Nesta liña, o Presidente da Deputación citou coma exemplos o feito de que a carpa que acolle a mostra “será reutilizada tras estas festas para celebrar o Outlet que organiza a Asociación de Autónomas lucense que, por certo, o pasado ano acadou un volume de negocio de preto de 100.000 euros”.
O Artesanfroilán xa se ten convertido nunha das mostras do sector de maior sona e máis rendibles de Galicia. Isto débese en gran medida a que, a cambio do desembolso de 360 euros que fan os profesionais que participan (o que supón unha terceira parte do que abonan por outras similares), a feira supera amplamente os 100.000 euros de volume de negocio en cada edición, ó tempo que a Deputación vén asumindo a totalidade dos custes desta, co que os beneficios para o sector son maiores. O enclave estratéxico da feira, que dende hai catro anos se sitúa nunha céntrica zona de paso de milleiros de persoas grazas á colaboración co Concello de Lugo, contribúe a aumentar máis se cabe o volume de vendas.
25 artesáns e 26 “stands”
Os 25 artesáns que estarán presentes no Artesanfroilán, o 80% dos cales son lucenses, foron seleccionados segundo criterios coma a calidade dos traballos, que estiveran representadas a a maior variedade de técnicas posible, a sostenibilidade e a innovación amosadas no proceso produtivo ou o respecto polo medio ambiente, todas elas sinaladas nas bases que rexeron a selección de participantes, entre as preto de 70 solicitudes achegadas.
19 artesáns procedentes dos Concellos de Lugo (7), Viveiro (4), Ribadeo (2), Vilalba (1), Monforte (1), Mondoñedo (1), Courel (1) e Cervo (1), e outros seis chegados das provincias da Coruña (3), Pontevedra (2) e Valladolid (1), porán á venda pezas de xoiería e bisutería, cerámica, téxtil en lá e encaixe, coiro, elementos decorativos e xoguetes realizados en madeira, pintura decorativa, variados complementos de vestir elaborados con diferentes materiais, zapatos ou traballos en vidro e flor seca.
Aparte do destacado volume de negocio, outro dos atractivos que ten esta mostra para os artesáns é o premio de 1.000 euros en metálico que premia o expositor de máis calidade, tendo en conta factores coma a orixinal presentación do produto e o esforzo por mellorar a calidade da feira.
No “stand” 26 non haberá produtos á venda, senón unha pequena exposición que constitúe a novidade máis destacada deste ano. Oito destacados artistas e artesáns amosarán a través dos seus traballos que lembranzas e impresións lles evoca o San Froilán. Para plasmar a súa particular visión das festas, estes consagrados profesionais empregan materiais coma madeira, pedra, téxtil, cerámica ou ferro.
Días e horarios de apertura
Artesanfroilán quedará aberto na carpa instalada na Praza de Anxo Fernández Gómez, situada tras a Casa do Concello lucense ata o vindeiro día 12 de outubro, en horario de 11:00 a 14:30 horas e de 17:00 a 21:30 horas, agás o propio día 12 no que pechará ás 21:00 horas. A entrada é gratuíta.
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
O evento incluirá espicha, queimada, brujo con conjuro e sesión DJ. O prezo é de 50 euros por persoa, con reserva previa no 611 185 336 e prazas limitadas. A organización lembra que “el 12 de agosto cuando caiga la noche la celebración continúa en Los Olivos… la noche culminará con una queimada elaborada por el Brujo Gonzalo, seguida de una sesión DJ para poner el broche final a una jornada inolvidable”.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
