rátase dunha actuación enmarcada nun convenio de colaboración entre a Xunta e o Ministerio de Medio Ambiente, para a xestión e desenvolvemento sostible nas reservas da biosfera do río Eo, Oscos e Terras de Burón
A XUNTA DEMOLERÁ AS PRESAS DE FONDÓN E DE GUMERSINDO NO RÍO EO
Estes obstáculos tiñan a función de derivar auga cara uns muíños que se atopaban nos concellos de A Pontenova e Ribeira de Piquín, que na actualidade están en desuso
Con eliminación desta infraestruturas no leito do río implántanse medidas que favorezan as migracións de especies piscícolas, como o salmón atlántico, a troita, a anguía, ou a lamprea
Santiago, 6 de outubro de 2012.- A Consellería de Medio Ambiente, Territorio e Infraestruturas executará nas vindeiras semanas a demolición de dúas presas do río Eo, unha é a presa de Fondón, no Concello de A Pontenova, e a segunda a de Gumersindo, no Concello de Ribeira de Piquín.
Trátase de dous obstáculos artificiais no leito do río Eo, dúas presas de gravidade, que se construíron coa finalidade de derivar auga cara senllos muíños, actualmente en desuso. Estas concesións foron caducadas revertendo todos os elementos situados no dominio público hidráulico ao Estado.
Os traballos consistiran na demolición mecánica mediante unha retoescavadora, depositando os elementos naturais no propio leito e transportando ao vertedoiro os restos de formigón ou estruturas metálicas que puidesen aparecer. A duración estimada dos traballos é de dúas semanas.
Cómpre sinalar que esta actuación está enmarcada dentro dun convenio de colaboración entre a Xunta de Galicia e o Ministerio de Medio Agricultura, Alimentación e Medio Ambiente,para o apoio á xestión e ao desenvolvemento sostible nas reservas da bioesfera do río Eo, Oscos e Terras de Burón. Unha das liñas de actuación céntrase en mellorar o estado de conservación da zona núcleo da Reserva, neste caso o espazo natural protexido Río Eo.
Ademais, esta medida favorecerá as migracións de especies piscícolas, como o salmón atlántico, a troita (na súa forma sedentaria e anádroma ou o reo), a anguía, ou a lamprea, pois a súa presenza imposibilita ou dificulta as migracións vitais destas especies e, ao mesmo tempo, increméntase o hábitat dispoñible o evítanse os danos ás poboacións.
Nas imaxes pódense identificar as presas que se demolerán nas próximas semanas:
Estes recitais, protagonizados por músicos da contorna, nunca defraudan. Sen grandes nomes internacionais, pero cunha sensibilidade musical exquisita, ofrecen sempre unha experiencia artística de gran calidade. Por iso, quen asista gozará dunha nova xornada dentro do Programa Adral, que a Xunta de Cofradías promove con tanto entusiasmo.
O Concello destaca a oportunidade que supón para impulsar a hostalaría local e felicita ás persoas galardoadas pola súa contribución á gastronomía asturiana.
Este texto é o froito de varios anos de investigación e convida profesionais da educación, terapeutas e persoas curiosas a descubrir como o traballo coa arxila libera traumas e favorece unha transformación persoal profunda. Ao remate do acto servirase un viño e un pequeno petisco.
A continuación, as persoas que desexen continuar a conversa e compartir un tempo de convivencia poderán anotarse á comida que se celebrará na Casa da Penela.
Pasados dez minutos das 15 horas deste martes, un particular alertou ao 112 Galicia dun coche envorcado fóra da vía en San Martiño de Ferreiros, Pol. Aconteceu no quilómetro 3 da LU-750, e a única persoa implicada permanecía atrapada no interior. De inmediato, desde o Centro Integrado de Atención ás Emerxencias activouse un operativo no que participaron Urxencias Sanitarias de Galicia-061, os Bombeiros de Vilalba, a Garda Civil de Tráfico e os servizos de mantemento da estrada. Os bombeiros actuaron para liberar á persoa, que foi evacuada en ambulancia polos profesionais sanitarios desprazados ata o lugar.
Unha comedia orientada para público infantil escrita e dirixida por Bea Campos. Hora: 18h.
O investigador achegarase a Ribadeo para falar sobre Urraca, considerada por moitos a emperatriz de todos os galegos e galegas. A entidade xa coñece o bo facer de Picallo, pois en anteriores ocasións participou como ilustrador nas presentacións das novelas Ao sur da liberdade e Entre a vontade e o destino, de Xosé Henrique Costas, deixando unha excelente impresión. Nesta ocasión, o público poderá escoitar ao Picallo historiador, que achegará novos datos sobre o reino de Galiza, unha realidade histórica que durante anos permaneceu agochada e que hoxe se recupera grazas a publicacións e investigacións como a súa.
