FLORES SOLIDARIAS DA ASOCIACIÓN DE AXUDA Ó ENFERMO MENTAL “A MARIÑA”
Hoxe a ilusión no Centro de Rehabilitación Psicosocial e Laboral de “A Mariña” de Burela palpábase en cada recuncho. Chegou o momento que todos estábamos esperando, a entrega das flores que cultivamos con tanto cariño durante este ano no noso invernadoiro.
Foi un dos resultados do Obradoiro de Perfeccionamento do Viveirismo, subvencionado pola Consellería de Traballo-Servizo de Inclusión Social.
Entre outros cultivos plantamos flores. Ademáis de aprender o seu cultivo e coidados quixemos que os nosos usuarios deran un paso máis e propuxémonos a venda, para que puideran ver a utilidade e froito do seu esforzo , traballo e formación.
Neste senso, a Directora Técnica Xeral de “A Mariña”, María José Nóvoa, agradece a colaboración á Floristería Alecrín que nos axudou no proceso de venda, comprando as nosas flores e facendo partícipes en todo momento aos nosos usuarios.
Todo isto fixo posible que hoxe viviran unha nova experiencia, viran a utilidade do seu traballo e se sentiran apreciados.
Hoxe mesmo, no momento da entrega das flores, Fernando explicou o seu traballo na floristería a tódolos asistentes e emocionounos co cultivo, colorido e doce recendo de toda a súa mercadoría
Esperamos que estas flores os acompañen estos días xa que representan o esforzo e cariño dos nosos usuarios e que mellor maneira de amosar os sentimentos que cunha flor solidaria.