Máis de 200 persoas redescobren coas rutas de km0 desta semana a relevancia do auga para a provincia
– As rutas organizadas para esta semana levarán ós seus participantes a coñecer a importancia do mar, dos ríos e das augas termais achegándose ata Ribadeo, Sober e Guitiriz
– 55 membros da Comunidade de Montes de Ludrio, de Castro de Rei, inauguran hoxe as viaxes, que se completarán coas que farán o CEIP Plurilingüe da Pontenova, o Centro Cultural e Recreativo de Vilalba e un numeroso grupo de veciños de Xove
As augas marítimas e interiores da provincia centran esta semana a totalidade das rutas programadas. Máis de 200 persoas coñecerán de primeira man a importancia que para a vida e a economía lucense ten o auga. A Mariña e, particularmente, a ría de Ribadeo, será o primeiro destes destinos, compartindo protagonismo coas augas termais de Guitiriz e co río Sil ó seu paso polo Concello de Sober.
Un grupo de 55 integrantes da Comunidade de Montes de Ludrio, de Castro de Rei, fai este martes a ruta chamada da Ría de Ribadeo, que os levará a facer unha pequena travesía ne barco polas súas augas e visitar algúns dos fermosos recunchos das rúas do casco histórico desta localidade mariñana. Ademais, antes de partir cara a costa, poderán comprobar a actividade dun obradoiro de olería de Bonxe. O mércores será a quenda de 48 rapaces do CEIP Plurilingüe da Pontenova, que viaxarán ata Guitiriz para coñecer a popular Fonte de San Xoán, situada no balneario da localidade, facer a ruta dos Sete Muíños e visitar o reloxio analemático. Xa o xoves, 48 veciños do Concello de Xove partirán cara Sober para facer unha ruta en catamarán por Amandi e visitar os seus famosos viñedos e adegas.
A ruta da fin de semana levará este sábado a 55 integrantes do Centro Cultural e Recreativo de Vilalba á Mariña. Ribadeo é, novamente, o destino elixido por estes viaxeiros, que visitarán a localidade de Rinlo e as cetáreas ubicadas nela, farán unha viaxe en barco pola ría e completarán a xornada cunha visita ó casco histórico ribadense, ó que chegarán grazas ó ascensor panorámico.
Como anotarse
Os interesados en participar en Km0 poden inscribirse chamando ó 982-26-00-74/75; ou entrando en www.deputacionlugo.org onde, dende a portada, deberán acceder ó espazo Km0, completar o formulario e envialo á km0@deputacionlugo.org. A continuación, poderán efectuar o pago, que será de 8 euros para grupos de menos de 24 persoas e individuais, e de 5 euros para grupos de máis de 24 persoas, quedando excluídos todos os colexios e institutos públicos. A institución facilita dúas modalidades de pago: persoalmente no servizo de Tesourería (Pazo de San Marcos) ou nas sucursais de NovaGalicia (co número de conta 20800152663110001425). A reserva e pago das rutas tamén pode facerse a través da plataforma de comercio electrónico www.losproductosdelugo.com da Deputación. Optando por esta alternativa, os participantes teñen un desconto do 10% no custe das actividades.
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
O evento incluirá espicha, queimada, brujo con conjuro e sesión DJ. O prezo é de 50 euros por persoa, con reserva previa no 611 185 336 e prazas limitadas. A organización lembra que “el 12 de agosto cuando caiga la noche la celebración continúa en Los Olivos… la noche culminará con una queimada elaborada por el Brujo Gonzalo, seguida de una sesión DJ para poner el broche final a una jornada inolvidable”.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
