ERMIDA TILDA DE DECEPCIONANTE E ELECTORALISTA A VISITA DO MINISTRO DE INDUSTRIA A ALCOA
“As declaracións de Soria pretenden ser un xeito de eludir responsabilidades para no caso de que Alcoa decida pechar as súas instalacións”
O BNG da Mariña segue a reclamar unha solución que garanta o futuro da alumieira na comarca e os máis de 2.000 empregos que xera
2 de outubro de 2012. A candidata do Bloque Nacionalista Galego ás eleccións do 21-0, Ana Ermida, tilda de ‘decepcionante e electoralista’ a visita do ministro de Industria, Enerxía e Turismo, José Manuel Soria, á factoría de Alcoa en San Cibrao e insiste en que continúan no ar miles de postos de traballo.
“O ministro veu á Mariña a facerse a foto, a facer unha nova declaración de intencións e a tentar salvar o papel do Goberno de Mariano Rajoy, pero non puxo sobre a mesa ningunha solución que garanta a viabilidade da planta na comarca. Para o único que serviu a visita do ministro foi para incrementar a incertidume sobre o futuro da factoría e dos máis de 2.000 empregos que están en xogo.” – puntualiza Ermida.
Para o BNG da Mariña as declaracións do ministro afirmando que ‘la energía no será un problema para que Alcoa siga en España’ pretenden ser un xeito de evitar asumir responsabilidades no suposto de que a alumieira decida pechar as súas instalacións. Neste senso, Ermida denuncia que “por moito que o Partido Popular se empeñe en desentenderse deste problema, un dos máis importantes de Galiza neste momento, se chega a perderse un só posto de traballo haberá tres claros responsables, o presidente do Goberno central, Mariano Rajoy, o ministro de Industria, José Manuel Soria e o presidente da Xunta, Núñez Feijóo.”
Mobilización
Desde o BNG da Mariña chaman á cidadanía a mobilizarse o vindeiro xoves, 4 de outubro, ás 20:00 horas, en Foz, en defensa do emprego en Alcoa e en todas as empresas da comarca.
Ana Ermida asegura que ‘Galiza e a A Mariña merecen e precisan dun goberno comprometido coa terra, con plans de acción para crear emprego, preocupado dos intereses dos galegos e das galegas e en buscar solucións aos problemas da xente e non por facer declaracións baleiras e promesas que logo nunca son cumpridas”.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
O deputado galego Francisco Millán Mon explicoulles o día a día da súa actividade nesta cámara e a importancia da Unión Europea para Galicia e viceversa. Desde a dirección do centro agradecen “a súa exposición e o trato dispensado ao alumnado e profesorado desprazado a Bruxelas”. Neste 2026 cúmprense 40 anos da adhesión de España á Comunidade Económica Europea, así se denominaba naquel momento. O IES de Ribadeo é Escola Mentora do Programa Escolas Embaixadoras do Parlamento Europeo.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
A mostra, aberta na sala de exposicións do Auditorio Municipal de luns a venres entre as 18:00 e as 22:00 horas, reúne preto de 30 obras de artistas emerxentes e consolidados, ofrecendo diversas miradas sobre a paisaxe, a identidade, a memoria e a realidade contemporánea. A alcaldesa, Marta Rouco, destacou o valor de que Vilalba forme parte desta programación compartida e o impacto positivo que supón para a actividade cultural local.
