O BNG demanda unha tarifa enerxética preferencial para Alcoa que evite que a destrución de emprego
“É precisa unha solución urxente para Alcoa, a maior consumidora eléctrica de Galiza, que pasa por ter unha tarifa preferencial e por contratos de traballo de longa duración que lle dean estabilidade”
Santiago de Compostela, 2 de outubro de 2012.- A portavoz do grupo parlamentar do BNG, Ana Pontón, destacou na Deputación Permanente que a actual situación de Alcoa “é consecuencia da falta de políticas industriais da Xunta e da súa incapacidade para defender os intereses de Galiza”. Ademais, demandou que se arbitre “unha solución para evitar a destrución de miles de postos de traballo en Alcoa que non sexa unha nova burla ao noso País e ao conxunto de persoas traballadoras”.
O Goberno central do PP adoptou decisións en materia de política tarifaria que claramente van en contra do mantemento desta empresa, sen que a Xunta fixera nada, indicou Ana Pontón. E desde logo, engadiu, o que non é entendíbel é como Galiza sendo a segunda produtora de enerxía eléctrica e excedentaria, non se beneficia da especialización dispoñíbel noutros lugares.
“É precisa unha solución urxente para Alcoa, a maior consumidora eléctrica de Galiza, que pasa por ter unha tarifa preferencial, como sucede noutros países, mais tamén por contratos de traballo de longa duración, que lle dean estabilidade ás factorías da Mariña e da Coruña”, expresou Ana Pontón.
Así, sinalou que esta empresa é a “columna vertebral” da economía dunha comarca como A Mariña e importante para a Coruña, que nos últimos está vendo como pechan empresas relevantes e se destrúe emprego nun ritmo que é certamente desalentador.
“Estamos falando duns 1.800 postos de traballo directos na Mariña e 400 na Coruña, esta última nun ERE, e ao 50% da súa produción, e dunha empresa que representa entre o 20 e 25% do consumo enerxético de Galiza”, explicou.
Ademais, a portavoz parlamentar nacionalista definiu a situación actual de Alcoa como “o fracaso dun timo á sociedade que supuxeron as privatizacións de empresas públicas que se levaron adiante no Estado e á falta de política industrial da Xunta de Galiza e a súa incapacidade para defender os intereses do noso País”.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
O deputado galego Francisco Millán Mon explicoulles o día a día da súa actividade nesta cámara e a importancia da Unión Europea para Galicia e viceversa. Desde a dirección do centro agradecen “a súa exposición e o trato dispensado ao alumnado e profesorado desprazado a Bruxelas”. Neste 2026 cúmprense 40 anos da adhesión de España á Comunidade Económica Europea, así se denominaba naquel momento. O IES de Ribadeo é Escola Mentora do Programa Escolas Embaixadoras do Parlamento Europeo.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
A mostra, aberta na sala de exposicións do Auditorio Municipal de luns a venres entre as 18:00 e as 22:00 horas, reúne preto de 30 obras de artistas emerxentes e consolidados, ofrecendo diversas miradas sobre a paisaxe, a identidade, a memoria e a realidade contemporánea. A alcaldesa, Marta Rouco, destacou o valor de que Vilalba forme parte desta programación compartida e o impacto positivo que supón para a actividade cultural local.
