O BNG INSISTE EN QUE A FALLA DE PREVISIÓN DA CONSELLERÍA DE SANIDADE E DO HOSPITAL DA COSTA ESTÁ A PÓR EN RISCO A SAÚDE DOS ENFERMOS DE CANCRO DA MARIÑA
Ermida pida a comparecencia do presidente en funcións Núñez Feijóo ou da conselleira Rocío Mosquera para aclarar a situación e buscarlle unha solución
Os nacionalistas tachan de ‘temeraria’ a xestión sanitaria do Partido Popular
Burela, 9 de outubro de 2012. O Bloque Nacionalista da Mariña pide á consellería de Sanidade explicacións ‘máis convincentes e coherentes’ sobre a supresión do tratamento do cancro de vexiga con bacilo Camette Guérin (BCG) no Hospital da Costa de Burela.
A candidata nacionalista aos comicios do 21-O ao Parlamento galego, Ana Ermida, asegura que ‘se é certo que a Axencia Española do Medicamento informou no mes de xullo do desabastecemento deste fármaco, a situación é aínda máis grave ao quedar demostrada a falla de actuacións, tanto do Goberno do Estado como do Goberno de Galiza, para que os hospitais poidan administrar este medicamento que está considerado internacionalmente como o máis eficaz contra o cancro de vexiga.
‘Até hai uns días, o Hospital da Costa –precisa Ermida- tiña citados, para esta mesma semana, a enfermos de cancro para subministrarlle dito tratamento, polo que ben o presidente en funcións, Alberto Núñez Feijóo, a conselleira de Sanidade, Rocío Mosquera, ou o xerente do hospital, José Insua, teñen que aclarar esta situación e explicar que cambios houbo en menos dunha semana para, de súpeto, comunicarlle aos pacientes que deixarían de recibir o tratamento que precisan con BCG sen darlles unha data para reinicialo”.
Dende o BNG da Mariña insisten en que ‘o menos importante é se o preparado ten fins curativos ou, como din dende a consellería de Sanidade, emprégase para evitar rebrotes en certos tumores urolóxicos. O importante é que a falla de previsión da consellería e da xerencia do centro hospitalario está a pór en risco a saúde dos pacientes de cancro’.
Para a candidata nacionalista ‘a xestión do Partido Popular ao fronte da sanidade galega é temeraria’ e recorda aos populares que ‘os únicos que empregan a sanidade pública galega para crear alarma social son eles desmantelando centros sanitarios, pechando servizos de urxencia, reducindo a contratación de persoal para cubrir baixas e vacacións, incrementando as listas de espera e suprimindo tratamentos de patoloxías graves.’
Esta cita, xa consolidada dentro da programación estable do centro, permitirá ao público gozar dunha mostra do traballo artístico e formativo desenvolvido ao longo do curso polo alumnado da especialidade. A actividade constitúe unha oportunidade para achegar a danza á cidadanía e poñer en valor o esforzo, a dedicación e a evolución das alumnas e alumnos participantes.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
