TÁBOAS NO DEBUT DO RIBADEO FSF, CON 4-4 ANTE O FC MEIGAS
O infortunio nos minutos finais privou o equipo ribadense dunha merecida vitoria sobre o conxunto de Ames, FC Meigas, no debut da liga; as mariñás tiveron que conformarse co empate, 4-4, despois de marcar o ritmo do encontro en todo momento.
Os dous equipos saíron polo partido cun Ribadeo que presionaba moi arriba e un visitante que só creaba perigo a balón parado. Helena, aos 2 minutos, foi a encargada de materializar o primeiro gol da tempada para as locais. O Ribadeo insistía en non deixar xogar o seu rival e creaba numerosas ocasións para aumentar a diferenza, pero foi o FC Meigas o que conseguiu pór táboas no marcador por mediación de Andrea. Todo parecía pensar que se chegaría ao descanso con este resultado pero, a falta de 36 segundos, a mariñá Ana, xogadora destacada do partido, desfixo a igualdade co 2-1.
Na segunda metade, as de Martínez non se conformaron co resultado e seguiron presionando moi preto da portería contraria; así de novo Ana aos 6 minutos aumentou a diferenza facendo 3-1, que daba respiro ao intenso traballo das ribadenses. Pouco durou a alegría; aínda non transcorrera un minuto cando, nun descoido da zaga ribadense, Katia se presentou soa ante Antía e bateuna por alto na súa saída. Tiveron as de Ribadeo que tirar de novo do seu decoro e así no minuto 32, nunha boa combinación por banda entre Toñi e Ana, esta última puido asinar o seu primeiro hat-trick da tempada e subir o 4-2 ao luminoso. As de Ames atacaban con porteira xogadora, pero o seu xogo era ben contrarrestado polas de Ribadeo, que de novo dispuxeron de numerosas ocasións para sentenciar. A desilusión para as ribadenses chegou a falta de 3 minutos cando unha falta de Helena sacada pola visitante Katia foi desviada por Sabela descolocando a Antía. Era o 4-3, que metía nun aperto as de Martínez. O mazazo chegou no último minuto cando outro pase interior do equipo visitante foi desviado por unha local e se introduciu na portería.
As mariñás visitarán o vindeiro sábado o potente O Montiño-Concello de Mos (20.00 horas), segundo clasificado na pasada tempada e recentemente eliminado da Copa Galicia.
Ficha técnica
Ribadeo FS: Antía, Ana, Toñi, Elvira e Elena, cinco inicial; tamén xogaron Eva, Sabela, Yoli e Arancha.
FC Meigas: Laura, María Rodríguez, Katia, Yaiza, Andrea, cinco inicial; tamén xogaron María Pérez, Raquel, Melisa e Débora.
Árbitros: José Abuín Arroxo e Elena Véres Ojea, da delegación de Lugo. Mostraron dobre cartón amarelo a Helena polo Ribadeo FS e polo CF Meigas amarelas a Laura, María Rodríguez, María Pérez, Yaiza, Raquel, Débora e vermella directa a María Pérez.
Goles: 1-0, Helena; 1-1, Andrea; 2-1, Ana; 3-1, Ana; 3-2, Katia; 4-2, Ana; 4-3, Katia; 4-4, Raquel
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
O deputado galego Francisco Millán Mon explicoulles o día a día da súa actividade nesta cámara e a importancia da Unión Europea para Galicia e viceversa. Desde a dirección do centro agradecen “a súa exposición e o trato dispensado ao alumnado e profesorado desprazado a Bruxelas”. Neste 2026 cúmprense 40 anos da adhesión de España á Comunidade Económica Europea, así se denominaba naquel momento. O IES de Ribadeo é Escola Mentora do Programa Escolas Embaixadoras do Parlamento Europeo.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
A mostra, aberta na sala de exposicións do Auditorio Municipal de luns a venres entre as 18:00 e as 22:00 horas, reúne preto de 30 obras de artistas emerxentes e consolidados, ofrecendo diversas miradas sobre a paisaxe, a identidade, a memoria e a realidade contemporánea. A alcaldesa, Marta Rouco, destacou o valor de que Vilalba forme parte desta programación compartida e o impacto positivo que supón para a actividade cultural local.
