OS NACIONALISTAS COMPROMETEN UNHA ACCIÓN DE GOBERNO SUSTENTADA NO EMPREGO E NO BENESTAR
Ana Ermida urxe solucións para os 9000 lucenses que seguen a agardar pola certificación da dependencia
O BNG denuncia que o PP deixou sen financiación para a axuda no fogar a todos os Concellos da Comarca da Mariña
A Mariña, 13 de Outubro de 2012. O Bloque Nacionalista Galego desenvolveu na xornada de hoxe diferentes actos ao longo dos Concellos da Mariña nos que participaron militantes da organización na Comarca, así como os candidatos e candidatas da forza nacionalista pola Mariña.
Ana Ermida, que participou na mañá de hoxe nun acto na vila de Ferreira de Valadouro, denunciou “as políticas en materia de benestar do Partido Popular que non só paralizou a posta en marcha das diferentes infraestruturas sociais, de xeito moi particular os centros de día que comprometeu no seu programa electoral fai catro anos por en marcha en todos os Concellos de menos de mil habitantes e dos que a día de hoxe non sabemos nada así como a paralización aos centros residenciais. É unha auténtica vergoña a negativa da Xunta de Galiza a autorizar a posta en funcionamento da rede de residencias da Deputación de Lugo, paralizando a execución das mesmas en diversos concellos, a pesar de que o investimento para a construción das mesmas non representaba ningún custe para a administradción autonómica, ao igual que o mantemento das dotacións, dotacións que ían garantir a prestación de servizos de calidade para os nosos maiores, dotacións que ían contribuír de xeito decidido a creación de emprego e xa por último dotacións que ían contribuír ao equilibrio territorial da Galiza interior”.
A candidata nacionalista denunciou tamén “os recortes do PP na Xunta e no Estado en materia de axuda no fogar, tanto para dependentes como para o básico. Así, na proposta de Orzamentos para 2013 o Estado procedeu a reducir a contía da financiación para a mesma en 300 millóns de euros, ao que temos que sumarlle o recorte de 200 millóns de euros do pasado exerzizo orzamentario e o que significa a efectos prácticos a conversión do que era un servizo, como sempre entendemos a atención a dependentes, nun negocio. Tanto é así que o propio Goberno Galego fixou unhas novas novas taxas a pagar polos que receben esta prestación, que implica que os seus usuarios terán que pagar entre o 74 e o 92% do custo da mesma. Decisións como estas poñen en evidencia que o PP non ten humanidade, que o PP non ten alma, que o PP só goberna para os poderosos, en definitiva que o PP só busca o beneficio mesmo xogando con aqueles máis necesitados. Pero se grave é o que acontece cun servizo de axuda de fogar para dependentes, con máis de 25.000 galegos e galegas, sen ter resolta a petición da mesma, grave é tamén o que acontece coa axuda do fogar básico unha vez que a Xunta de Galiza deixou sen financiamento para o mesmo a todos os concellos de menos de 20.000 habitantes e por conseguinte a todos os Concellos da Mariña”.
Xa por último, Ana Ermida, que participou nun acto en Lourenzá, volveu a demandar “unha acción do goberno que se asente sobre dous eixos, a creación de emprego e a defensa dos servizos públicos. Os Concellos de Mondoñedo e Lourenzá, que foron sometidos na época Feijoo coa colaboración activa do Goberno da Xunta a dous procesos de perda de emprego salvaxe, seguen agardando polos plans de acompañamento social que naquel momento demandaron de xeito unánime as corporacións dun e doutro Concello e comprometidas pola Xunta. Tamén neste caso a Xunta de Galiza minte, porque para o PP as políticas que afectan de xeito directo ao benestar das persoas non son unha prioridade”.
Esta cita, xa consolidada dentro da programación estable do centro, permitirá ao público gozar dunha mostra do traballo artístico e formativo desenvolvido ao longo do curso polo alumnado da especialidade. A actividade constitúe unha oportunidade para achegar a danza á cidadanía e poñer en valor o esforzo, a dedicación e a evolución das alumnas e alumnos participantes.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
