José Ramón Val: “Feijóo asistiu como mero espectador ao desmantelamento do emprego na Mariña lucense”
O candidato do PSdeG-PSOE pola Mariña participou en dous mitines en Barreiros e Cangas nos que fixo un repaso dos anos do goberno de Feijóo para a comarca
O candidato do PSdeG-PSOE na Mariña e número tres da candidatura provincial, José Ramón Val, participou hoxe en dous mitines en Barreiros e Cangas nos que fixo un repaso do que supuxeron estes case catro anos de goberno do PP para a comarca. “O señor Feijoo asistiu como mero espectador ao desmantelamento de emprego nesta comarca”, afirmou Val, que fixo referencia ao cese de actividade de varias empresas como ECAR en Mondoñedo, onde 90 persoas foron á rúa, ou un ERE en Mobles Hermida con 72 traballadores, “e entre medias a desaparición de moitas PEMES” sen poñer ningunha alternativa riba da mesa. “O que ía rematar co paro en 45 días non fixo máis que contemplar como sucedía todo o contrario”, asegurou Val, que pediu ademáis “que se deixen de anuncios efectistas e traían xa unha solución real e a longo prazo para Alcoa”.
O socialista falou tamén da “paralización de todas as infraestruturas vitais para o desenrolo da comarca”, entre elas a VAC paralizada ou o acceso e a ampliación do porto de Burela, e “no sector náutico nada sabemos dos portos deportivos de Foz ou San Cibrao”, engadiu. En Sanidade incidiu na situación do Hospital de Burela, “moi preocupante, con menos especialistas, máis listas de espera e derivando pacientes a clinicas privadas”.
Na educación, “máis do mesmo”, afirmou, “menos profesores con máis alumnos significa menos calidade, houbo eliminación de unidades educativas e supresión da gratuidade de libros de texto”. Ante esta situación “de gravidade para a comarca”, Val expuxo as alternativas dun modelo “socialista e totalmente oposto ao actual” para “garantir un estado de benestar para todos e saír desta crise desde a esquerda con politicas de igualdade onde os que menos teñen non se queden polo camino, xa que iso está no ADN dos socialistas”.
Val expuxo os compromisos do PSdeG-PSOE como “xerar emprego para a xuventude, con becas contrato para 25000 mozos” e “desenrolar os sectores produtivos como a pesca, o sector agrogandeiro, o forestal e apostar pola industria”. Por todo isto, pediu “que ninguén quede na casa o 21 de outubro, para pararlle os pés ao PP”, xa que “outra saida é posible”. Asimesmo fixo un chamamento “aos indignados e á xente que non lle gusta” o que está pasando. “A mellor forma de indignarse co goberno é non votar ao PP o día 21”, dixo.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
