O PP esixira de novo en pleno a posta en marcha dun plan de emerxencias tanto no casco urbano como no rural
Os populares denuncian que Mondoñedo siga sen plan de emerxencias e “non se pode esperar a ter un novo incendio para localizar as bocas de riego”
PP local sometera a acordo plenario a principios de ano a habilitación dos recursos e materiais humanos necesarios para a elaboración inmediata dun plan de emerxencia
O executivo local incumpriu este acordo plenario polo que o PP esíxelle que corrixa o seu proceder e una esforzos e traballo para conseguir que Mondoñedo teña un plan de emerxencias que facilite unha actuación rápida en caso dun sinistro
A portavoz popular cualifica de “inaceptable” o mal estado no que se atopa a conservación dos medios existentes e o descoñecemento da ubicación das bocas de riego
Mondoñedo, 26 de outubro de 2012- A portavoz local do Partido Popular en Mondoñedo, Elena Candia, lamenta que a localidade siga sen un plan de emerxencias preto dun ano despois de aprobación unánime en pleno dunha moción, presentada por iniciativa do Grupo Popular, e na que se solicitada a habilitación dos recursos e materiais humanos necesarios para a elaboración inmediata dun plan de emerxencia.
A portavoz local explica que urxe planificar un plan de emerxencias que reorganice as necesidades e enumere recursos existentes en caso de necesidade, polo que esixiralle de novo en pleno o cumprimento do acordo plenario, e máis tendo en conta que o Concello ten contratado o servicio de Grumir.
A popular lamenta a desafección do rexedor local polas demandas locais ao tempo que critica que en preto dun ano non che chegase a materializar o plan de emerxencias de imperiosa necesidade tanto para o rural como para o casco urbano, debido sobre todo as características intrínsecas das edificacións mindonienses: casas antigas, de madeira, conlindantes, facilitando a propagación dos incendios. Mentres que no rural, a poboación moi dispersa e con inexistencia en algúns casos de ubicación de toma de agua, dificulta a extinción dos incendios.
A portavoz popular cualifica de “inaceptable” o mal estado no que se atopan os medios que existen para sufragar incendios (mangueiras, bocas de riego sen gomas..). Candia recorda que durante o incendio acontecido a principios de ano no barrio da Fonte Vella púidose constatar non só a falta de medios do Concello de Mondoñedo, senón o mal mantemento destes e inclusive o descoñecemento da ubicación das bocas de riego.
A popular explica que o plan de emerxencias permitirá actuacións rápidas e efectivas en futuros casos de incendios, pero ao parecer, segundo analiza a popular, ao BNG e ao PSOE no concello pouco lles parece importar a necesidade dunha rápida resposta nestas tarefas, dado que dende principios de ano non procurou a posta en marcha do plan de emerxencias.
Ante esta situación e o incumprimento do acordo plenario, os populares esíxenlle ao goberno local que corrixa o seu proceder e una esforzos e traballo para conseguir que Mondoñedo teña un plan de emerxencias que facilite unha actuación rápida en caso dun sinistro
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
O deputado galego Francisco Millán Mon explicoulles o día a día da súa actividade nesta cámara e a importancia da Unión Europea para Galicia e viceversa. Desde a dirección do centro agradecen “a súa exposición e o trato dispensado ao alumnado e profesorado desprazado a Bruxelas”. Neste 2026 cúmprense 40 anos da adhesión de España á Comunidade Económica Europea, así se denominaba naquel momento. O IES de Ribadeo é Escola Mentora do Programa Escolas Embaixadoras do Parlamento Europeo.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
A mostra, aberta na sala de exposicións do Auditorio Municipal de luns a venres entre as 18:00 e as 22:00 horas, reúne preto de 30 obras de artistas emerxentes e consolidados, ofrecendo diversas miradas sobre a paisaxe, a identidade, a memoria e a realidade contemporánea. A alcaldesa, Marta Rouco, destacou o valor de que Vilalba forme parte desta programación compartida e o impacto positivo que supón para a actividade cultural local.
