O RESPONSABLES LOCAIS DO PP RIBADENSE EMPEZAN HOXE UNHA RONDA DE REUNIÓNS COAS ASOCIACIÓNS VECIÑAIS DAS PARROQUIAS E DESPOIS FARÁN O MESMO COS COLECTIVOS DA VILA PARA COÑECER AS SÚAS NECESIDADES E INQUEDANZAS.
Ribadeo, 26 de octubre de 2012. A agrupación local do Partido Popular en Ribadeo empeza hoxe, venres, unha serie de xuntanzas coas asociacións veciñais das parroquias para coñecer as súas necesidades e inquedanzas. Posteriormente farán o mesmo cos colectivos da vila. Este foi un dos asuntos que se abordaron na reunión da xunta xestora do PP ribadense que se celebrou onte á noite.
O presidente dos populares de Ribadeo, Jesús López Penabad, explicou esta mañá que “coa vista posta nas eleccións municipais sabemos que esta nova xestora ten traballo que facer e por iso decidimos empezar cunha serie de reunións en todas as parroquias coas asociacións de veciños para palpar de primeira man as necesidades e as deficiencias que poden ter neses lugares”.
A primeira xuntanza celebrarase hoxe, venres, ás dez da noite coa asociación de veciños de Cedofeita. “Imos reunirnos con eles abertos ás súas suxerencias para, desde o Partido Popular de Ribadeo e a onde cheguemos, acadar algunha solución ou polo menos que saiban que estamos aí e que poden contar con nós”, manifestou López Penabad.
A ronda de reunións do PP ribadense empeza polas parroquias, pero o presidente local xa anunciou que “unha vez que acabemos nestas zonas contactaremos cos colectivos do casco urbano, de tódolos ámbitos, para ver as necesidades que teñen, porque as nosas portas están abertas a quen queira falar con nós” .
Na xuntanza da xestora local tamén se trataron os resultados das eleccións autonómicas celebradas o pasado domingo, “nas que o Partido Popular obtivo uns resultados moi bos. Sentímonos moi orgullosos e á vez con responsabilidade e intentando cumprir coas perspectivas que se crearon con este apoio masivo que tivo o noso presidente, Alberto Núñez Feijoo, despois de catro anos de austeridade, dun cambio de forma de gobernar. Así o entenderon os galegos e recibiu tanto desde Ribadeo, que é o que nos interesa a nós particularmente, como desde todo Galicia un apoio pleno e maioritario” rematou Jesús López Penabad.
Esta cita, xa consolidada dentro da programación estable do centro, permitirá ao público gozar dunha mostra do traballo artístico e formativo desenvolvido ao longo do curso polo alumnado da especialidade. A actividade constitúe unha oportunidade para achegar a danza á cidadanía e poñer en valor o esforzo, a dedicación e a evolución das alumnas e alumnos participantes.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
