Máis de 470 veciños de Rúa e Trasbar dispoñen de Internet de calidade a través do Plan de Banda Larga da Xunta
-Coa instalación dunha nova tecnoloxía, todo o municipio de Cervo conta con cobertura, tanto no fogar como nos dispositivos móbiles
Cervo, 15 de outubro de 2012-O director de Telefónica en Galicia, Manuel Alonso, estivo este mediodía en Cervo para comprobar a instalación dunha nova tecnoloxía de Internet que permite dotar de cobertura ou ampliar a xa existente en zonas con dificultades de recepción. Alonso reuniuse co alcalde, Alfonso Villares, para analizar o novo despregamento do que se beneficia o municipio. O representante da compañía en Galicia e o rexedor achegáronse tamén ata a estación base de Cervo para comprobar a instalación do novo sistema que permite mellorar o alcance e as posibilidades do sinal a través do Plan de Banda Larga da Xunta.
O despregamento realizado permite dotar de conexión de Internet a máis de 470 veciños da parroquia de Rúa e do burgo de Trasbar. En total son 27 os núcleos beneficiados desta acción: Castelo, Trasbar, O Abrigo, As Augas Santas, A Amoeira, Aquela Banda, Árbol, Bouzas Chas, As Cabanas, O Cal, Casmaio, As Curuxeiras, A Estibada, O Freixo, A Lama, O Machuco, A Madanela, Murazos, A Nogueira, O Pazo, Percorvo, O Pereiro, O Rego, A Ruela, O Vedral, O Vieiro e Granda.
En todos estes núcleos a veciñanza disporá nos próximos días de Internet de 7 megas de velocidade. Nalgúns lugares cervenses esta é a primeira vez que acceden á rede, mentres noutros a actuación vén a ampliar e mellorar a cobertura dispoñible ata o de agora e que non era suficiente para prestar un servizo de calidade.
En concreto, a tecnoloxía empregada por Telefónica é a UMTS-3G na banda de 900 Mhz, cunha grande capacidade de propagación en zonas de orografías complexas. Este sistema permite dotar de cobertura de Internet tanto no fogar, a través dunha base wifi que se pode conectar por vía inalámbrica a ordenadores, móbiles ou tabletas; como na rúa, a través de dispositivos móbiles con tarifa de datos.
Con esta última actuación de Telefónica, o municipio de Cervo queda dotado de sinal de Internet en todos os recunchos do rural, onde quedaban pendentes os núcleos citados. Para iso foi necesario implantar a nova tecnoloxía UTMS-3G en catro antenas xa existentes que daban cobertura ao concello así como instalar unha nova estación co mesmo sistema no Valadouro.
Alfonso Villares agradeceu ao director de Telefónica en Galicia a “rapidez e a dilixencia coa que a compañía atendeu as necesidades de Cervo xa que a instalación da nova tecnoloxía no noso municipio estaba prevista para o ano que vén”. Polo tanto, para o rexedor cabe destacar “que Telefónica atendera as demandas do Concello e fixera posible antes do previsto poñer en marcha un servizo como é a Internet, imprescindible para conseguir un reequilibrio territorial entre a zona urbana e a zona rural”.
O mandatario cervense mantivera varias xuntanzas con veciños de Rúa e Trasbar, que lle manifestaran ao rexedor o seu desexo de contar con sinal de Internet e Villares xa se amosara “sensible” ás súas peticións ao tratarse dunha ferramenta “imprescindible tanto para tarefas e trámites cotiáns como para manterse conectado co mundo” remata o alcalde.
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
O evento incluirá espicha, queimada, brujo con conjuro e sesión DJ. O prezo é de 50 euros por persoa, con reserva previa no 611 185 336 e prazas limitadas. A organización lembra que “el 12 de agosto cuando caiga la noche la celebración continúa en Los Olivos… la noche culminará con una queimada elaborada por el Brujo Gonzalo, seguida de una sesión DJ para poner el broche final a una jornada inolvidable”.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
