O CONCELLO RECIBIRÁ HOXE EN OURENSE O PREMIO GALICIA Á XESTIÓN DEPORTIVA 2012 QUE LLE CONCEDEU AGAXEDE.
Ribadeo, 26 de outubro de 2012. O Concello recibirá hoxe en Ourense o premio Galicia á xestión deportiva 2012 que lle concedeu a Asociación Galega de Xestores Deportivos. Ao acto, que se desenvolverá ás 20 horas no centro cultural Marcos Valcárcel, asistirán o alcalde, Fernando Suárez, e o concelleiro de Deportes, Vicente Castro.
A Asociación de Xestores Deportivos concedéulle o premio ao Concello de Ribadeo, dentro da categoría de concellos de ata 15.000 habitantes, “pola inversión feita na rede de infraestructuras para a práctica do deporte, que se traduce na posta en marcha de 17 modalidades de escolas deportivas e contar cun 65% de inscricións de nenos entre 5 e 14 anos”, segundo se recolle na acta do xurado.
O rexedor agradece o recoñecemento e destaca que “as escolas deportivas municipais funcionan desde hai 13 anos en Ribadeo, cun programa municipal que persegue coma obxectivo prioritario o de fomentar a práctica da actividade física na poboación escolar, con idades comprendidas entre os 4 e os 16 anos”. En total nas escolar deportivas municipais de inverno e de verán participan máis de 500 alumnos.
Neste curso 2012/13as disciplinas que se ofertan son atletismo, baile deportivo, baloncesto, fútbol, fútbol sala, kárate, natación, pádel, patinaxe, tenis, tenis de mesa e ximnasia rítmica. En total 436 alumnos. Suárez Barcia lembra que “coa mellora de instalacións do Concello de Ribadeo, cun novo polideportivo municipal e campo de fútbol 7 de herba sintética, non se descarta seguir aumentando disciplinas en edicións sucesivas, xa que iso permitiría unha maior utilización das devanditas instalacións deportivas do Concello”.
O alcalde e o concelleiro de Deportes subliñan que “esta programación das escolas deportivas fomenta estilos de vida saudables onde a actividade física estea presente por dúas razóns incuestionables: a saúde e a utilización constructiva do tempo de ocio. O traballo en equipo, o coñecemento do corpo, o esforzo e a autosuperación nun clima agradable serán as nosas propostas a desenrolar nas escolas deportivas”.
Suárez Barcia subliñou “o traballo realizado polo meu compañeiro e concelleiro de Deportes, Vicente Castro, durante os tres mandatos que se leva ocupando desta cuestión con acertos e con fallos como temos todos, pero con moitos acertos e cun traballo abnegado, que moitas veces non lles valoro axeitadamente”.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
O deputado galego Francisco Millán Mon explicoulles o día a día da súa actividade nesta cámara e a importancia da Unión Europea para Galicia e viceversa. Desde a dirección do centro agradecen “a súa exposición e o trato dispensado ao alumnado e profesorado desprazado a Bruxelas”. Neste 2026 cúmprense 40 anos da adhesión de España á Comunidade Económica Europea, así se denominaba naquel momento. O IES de Ribadeo é Escola Mentora do Programa Escolas Embaixadoras do Parlamento Europeo.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
A mostra, aberta na sala de exposicións do Auditorio Municipal de luns a venres entre as 18:00 e as 22:00 horas, reúne preto de 30 obras de artistas emerxentes e consolidados, ofrecendo diversas miradas sobre a paisaxe, a identidade, a memoria e a realidade contemporánea. A alcaldesa, Marta Rouco, destacou o valor de que Vilalba forme parte desta programación compartida e o impacto positivo que supón para a actividade cultural local.
