A asociación de axuda o enfermo mental “A Mariña” asina un convenio coa obra social de La Caixa

“FIRMA DE CONVENIO ENTRE A ASOCIACIÓN DE AXUDA Ó ENFERMO MENTAL A MARIÑA E A OBRA SOCIAL LA CAIXA ”

Hoxe , 8 de novembro, a Presidenta da Asociación de Axuda ó Enfermo Mental “A Mariña”, Dna. María Iris Castro Meitín e mailo Director da oficina de La Caixa de Burela, D. Alberto García Novo firmaron un convenio de colaboración entre as entidades.

O proxecto presentado pola Asociación de Axuda ó Enfermo Mental para a consecución do programa “Escola de familias de persoas con enfermidade mental”, que se presentou á convocatoria de la “Obra Social La Caixa”, foi seleccionado e aprobado, polo que a colaboración económica otorgada foi de 10.000€.

A firma do convenio tivo lugar ás 17:00 nas dependencias de la Oficina de La Caixa, e posteriormente o Director , desta, D. Alberto García Novo , trasladouse ó Centro de Rehabilitación Psicosocial e Laboral de Burela, para coñecer as instalacións ademáis de o persoal que se encarga directamente deste proxecto.

A Directora Técnica Xeral de “A Mariña”, Dna. María José Nóvoa agradece públicamente a colaboración da “Obra Social La Caixa” , xa que a consecución deste programa vai repercutir moi positivamente na calidade de vida dos usuarios diagnosticados de enfermidade mental e das súas familias.