A BANCA CONTENTA
Din nas películas de casinos e xogos do azar que a banca sempre gaña, felicidades á banca. Seguro que estará dando saltos de alegría co real decreto de Rajoy sobre desafiuzamentos. Pobres bancos, ata a data con tantas vivendas na súa propiedade, logo de “expropiarllas” a ducias de miles de cidadáns. Para que queren esas casas se non hai quen as compre? Casas baleiras, tristes e soas e chorosas á venda sen que ninguén as demande.
O decreto de Rajoy chegou aos bancos como “agüita de maio”, pois suspéndense os desaloxos, con condicións inmellorables para eles, durante 2 anos. Nesa pausa de 24 meses non só a débeda dos cidadáns seguirase xerando, senón que os elevados intereses de demora continuarán aumentándoa. Con outras palabras, os bancos non terán que darse présa en recuperar vivendas sen posibilidades de venda, porque os seus dereitos económicos quedan garantidos.
Para acollerse as persoas á paralización temporal dos desafiuzamentos requírese unha retribución non superior a 19.000 euros ao ano e que a cota da hipoteca supoña máis do 50% dos ingresos. Así que en caso de atoparse vostedes, lectores, entre os afortunados de gañar menos desa cantidade e de pagar unha hipoteca tan alta, metan nunha hucha-porco como mínimo a metade dos ingresos, se os tiñesen, que non lles chega para vivir e así ter con que pagar parte da débeda ao cabo dos dous anos. Deste xeito disporán da posibilidade de seguir un tempiño máis nas súas casas, non importa que a situación agrávese con toda seguridade aos 24 meses de cumprirse o prazo.
De todas as maneiras, non se fagan ilusións. Ademais dos ingresos, o decreto de Rajoy ten en conta as cargas familiares. Dá igual a cantidade que vostedes cobren. Se teñen menos de tres fillos que non sufran discapacidade, serán igualmente desaloxados das súas vivendas. Tamén as nais solteiras cun fillo, así como os pensionistas non dependentes e sen outras cargas familiares. ¡Como non ían os bancos, logo de tanto sufrimento, a fregarse as mans!
Otero Regal
Os cortes produciranse do punto quilométrico 2,800 ao final da vía. Habilitaranse desvíos alternativos que estarán debidamente sinalizados.
Cada participante pode presentar unha única fotografía, en papel e formato dixital, seguindo as bases dispoñibles na web da Deputación. A celebración do aniversario inclúe actividades como a Xornada de Degustación da Tenreira de Ancares, unha xornada micolóxica e un obradoiro de rescate na montaña, ademais doutras propostas ambientais e divulgativas nos próximos meses.
Dez minutos antes das 21:30 horas do xoves, o 112 Galicia foi informado polo persoal de Adif dun tren detido no medio dun túnel en Mogor, Mañón, debido a unha chapa metálica no medio da vía. Así, aínda que as doce persoas que viaxaban a bordo estaban ilesas, precisaban medios de rescate para baixalas do convoi e desprazalas ata o apeadeiro máis próximo. Nestas tarefas colaboraron a Garda Civil, os Bombeiros do Eume, o GES de Ortigueira e os voluntarios de Protección Civil de Mañón. Finalmente, as persoas foron rescatadas e evacuadas a outro tren, que as levou ata o apeadeiro sen maiores complicacións. Desde alí, continuaron a súa viaxe en taxi.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
