O alcalde comprometeuse no pasado verán ao inicio destes contactos
O PP local pediralle en pleno ao alcalde mindoniense que dea conta das posibles xestións emprendidas cos propietarios dos terreos en torno á Igrexa de Santiago para a ubicación dun futuro aparcadoiro
Tras que o PP informara en agosto ao alcalde sobre a predisposición dos propietarios á venda dos terreos, os populares non tiveron coñecemento sobre as xestións emprendidas, polo que lle piden explicacións inmediatas ao rexedor
Candia esíxelle ao rexedor local que non escatime en esforzos na procura dunha solución definitiva para o problema de estacionamento de vehículos en Mondoñedo
O PP local insiste en que a ubicación é idónea e merece un esforzo na xestión por parte do equipo de goberno
Os populares, dentro do traballo continuo de buscar solucións aos problemas de tráfico na cidade, averiguaron no seu momento, que os propietarios teñen predisposición de enaxenar os terreos
Mondoñedo, 24 de novembro de 2012- O Partido Popular de Mondoñedo, pediralle no próximo pleno local ao alcalde do municipio explicacións sobre as xestións que se comprometeu a iniciar cos propietarios dos terreos a venda, no entorno da Igrexa de Santiago, en pleno casco histórico do municipio, para destinalos a aparcadoiro e cubrir unha carencia de gran demanda para a localidade.
A portavoz do PP local, Elena Candia, esixiralle a Orlando González que dea conta dos contactos que establecera, tendo en conta que asumiu este compromiso en pleno tras unha moción rexistrada polos populares e debatida no pasado verán, na que lle solicitaban ao goberno local que de inmediato iniciara as xestións oportunas.
Ao non ter coñecemento sobre os contactos establecidos, logo de que o PP no mes de agosto indicara ao alcalde sobre a intención de venda dos terreos por parte dos donos, e tendo en conta a necesidade de solventar a problemática de falta de aparcadoiro na localidade, o PP local instará de novo ao responsable municipal a que dea explicacións sobre este tema.
Elena Candia recorda que o seu grupo, dentro do traballo continuo de buscar solucións ao problema do tráfico, averiguara que os propietarios teñen intención de enaxenar os terreos, podendo materializar así unha reivindicación histórica, polo que lle pide a Orlando González a maior responsabilidade posible no tratamento deste asunto.
Candia esixe que non se escatimen esforzos para lograr un resultado exitoso, xa que esta alternativa de aparcadoiro e idónea e infinitamente mellor. A dotación dun aparcadoiro en pleno casco histórico conlevaría zanxar definitivamente cos problemas para estacionar na localidade. A dotación dunha zona de aparcadoiros na localidade podería ser o catalizador para fomentar o tecido comercial na localidade e incentivar o turismo.
Os cortes produciranse do punto quilométrico 2,800 ao final da vía. Habilitaranse desvíos alternativos que estarán debidamente sinalizados.
Cada participante pode presentar unha única fotografía, en papel e formato dixital, seguindo as bases dispoñibles na web da Deputación. A celebración do aniversario inclúe actividades como a Xornada de Degustación da Tenreira de Ancares, unha xornada micolóxica e un obradoiro de rescate na montaña, ademais doutras propostas ambientais e divulgativas nos próximos meses.
Dez minutos antes das 21:30 horas do xoves, o 112 Galicia foi informado polo persoal de Adif dun tren detido no medio dun túnel en Mogor, Mañón, debido a unha chapa metálica no medio da vía. Así, aínda que as doce persoas que viaxaban a bordo estaban ilesas, precisaban medios de rescate para baixalas do convoi e desprazalas ata o apeadeiro máis próximo. Nestas tarefas colaboraron a Garda Civil, os Bombeiros do Eume, o GES de Ortigueira e os voluntarios de Protección Civil de Mañón. Finalmente, as persoas foron rescatadas e evacuadas a outro tren, que as levou ata o apeadeiro sen maiores complicacións. Desde alí, continuaron a súa viaxe en taxi.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
