A Granxa Gayoso ofrece gratis ós gandeiros lucenses a formación precisa para cumprir coa norma da UE sobre benestar animal
– Atendendo á realidade e necesidades do sector agrogandeiro, o centro impartirá nas súas instalacións un curso homologado sobre esta materia entre os vindeiros días 19 e 23, en horario de 17:00 a 21:00 horas
– Os interesados en participar poden inscribirse chamando ós números de teléfono 982.31.00.04 ou 982. 22.78.12. A acción formativa conta con 30 prazas
A Granxa Gayoso Castro, dependente da Deputación de Lugo, ofrecerá de maneira totalmente gratuíta ós traballadores do sector gandeiro e da agricultura da provincia a formación e coñecementos prácticos que precisan para cumprir coa norma da UE sobre benestar animal, unha normativa moi estrita cuxo cumprimento incluso é un requisito que pesa para establecer as axudas da PAC. Deste xeito, atendendo á realidade e necesidades do sector, a Granxa Gayoso impartirá nas súas propias instalacións un curso homologado sobre Benestar Animal, que terá lugar entre o vindeiro luns, día 19, e o 23, en horario de 17:00 a 21:00 horas.
Todas aquelas persoas interesadas en participar poden inscribirse chamando ós números de teléfono 982.31.00.04 ou 982.22.78.12. Esta acción formativa organizada pola Granxa Gayoso conta con 30 prazas.
O curso, e a propia normativa comunitaria sobre benestar animal, ten como finalidade fomentar o respecto e o trato ético ós animais, considerando aspectos como o seu aloxamento, coidado, nutrición ou prevención de enfermidades, entre outros. Ademais de responder á cada vez maior sensibilidade da poboación hacia ó respecto ós animais, cumprir coa obrigatoria normativa de benestar animal mellora a competitividade das explotacións. Algunha das cuestións recollidas na norma da Unión Europea son a obrigatoriedade de ter os xatos soltos, non presos, e a de parar para darlle de comer ó gando no caso dun transporte de longa duración.
Estas xornadas da Granxa Gayoso Catro enmárcanse no labor de formación que ten encomendado co obxectivo de favorecer a rendibilidade, desenvolvemento e sostibilidade da actividade agropecuaria da provincia, fundamental na economía lucense. Previamente ó curso de benestar animal, o centro ofreceu un de apicultura no que se cubriron as 30 prazas dispoñibles.
Dez minutos antes das 21:30 horas do xoves, o 112 Galicia foi informado polo persoal de Adif dun tren detido no medio dun túnel en Mogor, Mañón, debido a unha chapa metálica no medio da vía. Así, aínda que as doce persoas que viaxaban a bordo estaban ilesas, precisaban medios de rescate para baixalas do convoi e desprazalas ata o apeadeiro máis próximo. Nestas tarefas colaboraron a Garda Civil, os Bombeiros do Eume, o GES de Ortigueira e os voluntarios de Protección Civil de Mañón. Finalmente, as persoas foron rescatadas e evacuadas a outro tren, que as levou ata o apeadeiro sen maiores complicacións. Desde alí, continuaron a súa viaxe en taxi.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
Ás 15:15 horas deste martes, un particular solicitou asistencia sanitaria tras a caída dun raio no lugar de Castro de Igrexa (Cazás, Xermade). Varias persoas sentiron os efectos da descarga eléctrica e unha delas quedou atolada. Tras dar aviso ao Servizo de Urxencias Sanitarias de Galicia-061, Garda Civil e Protección Civil, a persoa afectada foi evacuada consciente ao Hospital Universitario Lucus Augusti.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
A viaxe, enmarcada no proxecto «Relevo Xeracional: O Futuro do Mar» e organizada en colaboración co GALP Itsas Garapen Elkartea, permitiu achegarse a iniciativas como Kofradia Basque Seafood, a Escola de Pesca de Ondarroa, AZTI, Albaola ou o Itsas Museo de Donosti, así como a proxectos vinculados directamente á actividade pesqueira e á divulgación, incluíndo o uso de realidade virtual. O intercambio con Euskadi permitiu coñecer modelos que combinan formación, investigación, transmisión do coñecemento e modernización do sector, contribuíndo a identificar novas vías para facilitar a incorporación da mocidade á actividade pesqueira e garantir a continuidade das comunidades costeiras galegas.
