Cervo, Alfoz e O Valadouro formarán a 27 desempregados a través do obradoiro de emprego concedido pola Xunta
-No municipio cervense serán 13 os parados que participarán nesta acción de capacitación laboral
Cervo, 6 de novembro de 2012-Os concellos de Cervo, Alfoz e O Valadouro xa teñen concedido o obradoiro de emprego que solicitaron conxuntamente e que permitirá formar a un total de 27 persoas en situación de desemprego durante un período de seis meses. A Xunta, que promove e financia esta iniciativa dirixida a maiores de 25 anos, aprobou accións formativas en dúas especialidades: atención sociosanitaria a persoas no domicilio; e instalación e mantemento de xardín e zonas verdes, actividades auxiliares en conservación e mellora de montes. En concreto, Cervo formará a 13 parados nestes dous campos laborais.
A edil de Emprego, Yolanda Pedreira, asegura que este tipo de iniciativas son “fundamentais” para pouco a pouco “ir dando pasos de cara á inserción laboral, especialmente de persoas en risco de exclusión”. Pedreira destaca tamén a dobre vertente dos obradoiros de emprego, que permiten “formar e capacitar laboralmente a persoas en paro” ao mesmo tempo que as pactuacións que realiza o alumnado “redundan en beneficio do municipio, da veciñanza e do seu benestar”. Unha acción que combina a cualificación profesional, asistindo a clases teóricas, coa adquisición de experiencia laboral, mediante a realización de obras ou a prestación de servizos de utilidade pública. “O beneficio é colectivo” engade Pedreira.
Cabe destacar ademais que este obradoiro está programado para que os participantes poidan obter ao seu remate o certificado de profesionalidade, un título moi útil na procura de emprego e que acredita ao alumno de ter coñecementos para afrontar un traballo no eido laboral no que se formou.
Nos últimos días o alcalde de Cervo, Alfonso Villares e os rexedores de Alfoz e O Valadouro, Emilio Lousas e José Manuel Lamela respectivamente reuníronse para abordar os últimos detalles organizativos
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
Durante tres días desfrutan dun programa intenso de actividades na natureza: montaxe e desmontaxe do campamento, surf en Esteiro, tiro con arco, xincana e diversos xogos. A iniciativa está promovida polas Concellerías de Xuventude e Deporte xunto coa Oficina de Información Xuvenil.
Olimpia López, supervisou hoxe en Cospeito un control da campaña de velocidade da DGT, que busca previr sinistros nun verán de maior tráfico. Lembrou que a velocidade inadecuada está presente no 22 % dos accidentes mortais e apelou á responsabilidade dos condutores: cada km/h conta para salvar vidas.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
Estiveron acompañados polas técnicas de xuventude Mónica López Sanjurjo e Silvia Rodríguez Barreiro, para gozar das diferentes piscinas e tobogáns deste parque acuático. A viaxe estivo organizada polas Concellerías de Xuventude e Deporte e pola Oficina de Información Xuvenil dentro do programa Verán a Tope en Xove 2026.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
O evento, organizado pola Asociación Cultural Xuvenil O Castelo reuniu a numerosos veciños e visitantes e celebrouse durante catro días. A programación incluíu actuacións musicais, actos relixiosos, xogos tradicionais e unha comitiva da camións, coches e motocicletas que percorreron todas as parroquias deste concello mariñán.
