Investigadores europeos presentarán por 1º vez en Galicia os seus estudos no III Congreso Ibérico do Lobo que acollerá Lugo
– A Deputación patrocina con 2.000 euros estas xornadas, colaborando coa Asociación Galega de Custodia do Territorio para que a cidade luguesa sexa o seu escenario o 23, 24 e 25 de novembro
– Especialistas con gran prestixio en Europa, como Luigi Boitani ou Claudio Sillero, daranse cita neste Congreso con prazas limitadas a 200 a disposición dos interesados en www.iiicongresolobo.org
– Lugo conta cunhas 20 manadas de lobos, sendo a provincia galega que concentra o maior número
A Deputada de Medioambiente e Enerxías Renovables, Sonsoles López Izquierdo, anunciou este martes que Lugo, concretamente a Facultade de Veterinaria, acollerá os vindeiros días 23, 24 e 25 de novembro o III Congreso Ibérico do Lobo. Trátase dunha iniciativa que reúne a expertos de toda Europa –España, Italia, Gran Bretaña, Francia ou Inglaterra- para presentar en primicia as súas derradeiras investigacións sobre este mamífero. Esta xornada, que ten lugar cada sete anos en España ou Portugal, celebrouse en Soria no 1997 e en Castobranco no 2005. Nesta convocatoria, a cidade luguesa logra ser a súa sede grazas a suma de esforzos entre Deputación, institución que achega 2.000 euros, e a Asociación Galega de Custodia do Territorio, colectivo de Rábade implicado na súa organización. Hai que ter en conta que, segundo datos de dito colectivo, Galicia conta cunhas 64 manadas de lobos e que ó redor de 20 están en Lugo, sendo a provincia galega co maior número.
López Izquierdo destacou que este Congreso pon en marcha o conxunto de iniciativas coas que colaborará o organismo provincial cos colectivos que hoxe mesmo asinaron un convenio para o impulso na provincia de actividades de conservación e divulgación do medioambiente. Son a Asociación Galega de Custodia do Territorio e a Sociedade Micolóxica Lucus. O acto de sinatura, apradiñado pola Deputación, tivo lugar no Salón de Actos do Pazo de San Marcos coa presenza, ademais da responsable provincial de Medioambiente, do Deputado de Cultura, Mario Outeiro, dos Presidentes de ambos os dous colectivos, Roberto Hermida e Julian Alonso, respectivamente, ademais do Alcalde de Rábade, Francisco Xosé Fernández Montes, e máximo responsable da Casa das Insuas que será escenario de parte das actividades a desenvolver. O obxectivo deste acordo é crear unha rede de asociacións, con máis de 100 socios, para xerar riqueza en Lugo co medioambiente e de xeito sostible.
Prazas limitadas
Exemplo desta rede de asociacións é o III Congreso Ibérico do Lobo que, patrocinado pola Deputación luguesa, está organizado, ademais de pola Asociación Galega de Custodia do Territorio, pola Sociedade Española para la Conservación y Estudio de los Mamíferos, Grupo Lobo Portugal, ASCEL, Arena Empresa, Civio e USC. Os mellores expertos de Europa na materia daranse cita nestas xornadas. Son o caso de Luigi Boitani, especialista do lobo con gran prestixio a nivel europeo, e Claudio Sillero, investigador na universidade de Oxford. O Congreso é aberto o público con prazas limitadas a 200. Ata o 22 de novembro, os interesados poden formular a súa solicitude en www.iiicongresolobo.org.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
Durante tres días desfrutan dun programa intenso de actividades na natureza: montaxe e desmontaxe do campamento, surf en Esteiro, tiro con arco, xincana e diversos xogos. A iniciativa está promovida polas Concellerías de Xuventude e Deporte xunto coa Oficina de Información Xuvenil.
Olimpia López, supervisou hoxe en Cospeito un control da campaña de velocidade da DGT, que busca previr sinistros nun verán de maior tráfico. Lembrou que a velocidade inadecuada está presente no 22 % dos accidentes mortais e apelou á responsabilidade dos condutores: cada km/h conta para salvar vidas.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
Estiveron acompañados polas técnicas de xuventude Mónica López Sanjurjo e Silvia Rodríguez Barreiro, para gozar das diferentes piscinas e tobogáns deste parque acuático. A viaxe estivo organizada polas Concellerías de Xuventude e Deporte e pola Oficina de Información Xuvenil dentro do programa Verán a Tope en Xove 2026.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
O evento, organizado pola Asociación Cultural Xuvenil O Castelo reuniu a numerosos veciños e visitantes e celebrouse durante catro días. A programación incluíu actuacións musicais, actos relixiosos, xogos tradicionais e unha comitiva da camións, coches e motocicletas que percorreron todas as parroquias deste concello mariñán.
