O Equipo de Besteiro búrlase dos riotortenses ao paralizar unha vez máis as obras da mellora da estrada Riotorto- Marco de Alvare
. Elena Candia, Clemente Iglesias e Manuel Rivas visitaron o vial, onde comprobaron, in situ, como efectivamente os traballos están paralizados
. Insisten os populares que os veciños non queren palabras e fotos, senón unha xestión eficiente e infraestructuras en boas condicións para o seu servizo
Riotorto 6 de novembro de 2012.- A Voceira do PP na Deputación de Lugo, Elena Candia e dirixentes do PP de Riotorto tachan de “auténtica tomadura de pelo” as actuacións por parte da Deputación de Lugo logo de paralizar as obras da estrada Riotorto-Marco de Alvare.
Elena Candia, Clemente Iglesias e Manuel Rivas visitaron a estrada e comprobaron in situ, como efectivamente, o Organismo Provincial volveu a paralizar as obras. Os populares afirmaron que as casualidades non existen, e menos en política, polo que non é casualidade que as obras se iniciasen antes dun proceso electoral para enganar aos veciños, facéndolles ver que existe boa xestión e que se desenvolven obras, pero unha vez pasados os comicios electorais, paralizánse unha e outra vez.
Os dirixentes populares lembraron que no mes de Setembro, o señor Manuel Martínez, acompañado de integrantes do goberno municipal, proxectaba a súa imaxe nos medios de comunicación, afirmando a bombo e platillo que “a Deputación reanudaba a mellora da estrada Riotorto-Marco de Alvare”.
“Pedimos explicacións inmediatas, tanto a Deputación como ao Goberno municipal, para que den conta desta nova paralización e deixen dunha vez por todas de mentir e de enganar aos veciños”- manifestaron os populares.
Insisten os populares en que os veciños de Riotorto non queren palabrería nin fotos, queren que dunha vez por todas se arranxe este vial para poder disfrutar cando antes desta infraestructura tan necesaria para toda a poboación.
Candia, Iglesias e Rivas lembran ademáis, que durante este último mes a empresa concesionaria procedeu a tirar diversas edificacións afectadas pola expropiación, incluso algunhas forxas que eran utilizadas polos ferreiros para realizar o seu traballo diario.
“Agora os propietarios están molestos xa que quedaron sin poder utilizar as edificacións e están vendo que ao día seguinte das eleccións a empresa procedeu á retirada das maquinas e fai xa 15 días que na estrada non hai actividade”
Concluíron os populares instando a Deputación e a o goberno municipal a que se poñan a traballar sen enganar aos riotortenses e insisten en que estes non queren fotos nin palabrería, senón unha boa xestión e infraestructuras en boas condicións para o seu servizo.
Cada participante pode presentar unha única fotografía, en papel e formato dixital, seguindo as bases dispoñibles na web da Deputación. A celebración do aniversario inclúe actividades como a Xornada de Degustación da Tenreira de Ancares, unha xornada micolóxica e un obradoiro de rescate na montaña, ademais doutras propostas ambientais e divulgativas nos próximos meses.
Dez minutos antes das 21:30 horas do xoves, o 112 Galicia foi informado polo persoal de Adif dun tren detido no medio dun túnel en Mogor, Mañón, debido a unha chapa metálica no medio da vía. Así, aínda que as doce persoas que viaxaban a bordo estaban ilesas, precisaban medios de rescate para baixalas do convoi e desprazalas ata o apeadeiro máis próximo. Nestas tarefas colaboraron a Garda Civil, os Bombeiros do Eume, o GES de Ortigueira e os voluntarios de Protección Civil de Mañón. Finalmente, as persoas foron rescatadas e evacuadas a outro tren, que as levou ata o apeadeiro sen maiores complicacións. Desde alí, continuaron a súa viaxe en taxi.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
Ás 15:15 horas deste martes, un particular solicitou asistencia sanitaria tras a caída dun raio no lugar de Castro de Igrexa (Cazás, Xermade). Varias persoas sentiron os efectos da descarga eléctrica e unha delas quedou atolada. Tras dar aviso ao Servizo de Urxencias Sanitarias de Galicia-061, Garda Civil e Protección Civil, a persoa afectada foi evacuada consciente ao Hospital Universitario Lucus Augusti.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
