O BNG AMOSA O SEU APOIO AOS TRABALLADORES DE CEMAR ALIMENTACIÓN ANTE O FECHE DOS ESTABLECEMENTOS DA MARIÑA
Antonio Veiga pide á Xunta de Galiza que defenda a todas as empresa galegas por igual e non so ás grandes factorías
“O feche das tendas de Cemar Alimentación deixa a deceas de familias nunha difícil situación”
A Mariña, 22 de novembro de 2012. O Bloque Nacionalista Galego da Mariña amosa o seu apoio e a súa solidariedade aos traballadores e traballadoras da empresa Cemar Alimentación ante a incerteza do seu futuro tras o acordo acadado onte con Covirán que so está disposta a quedarse con 12 tendas e 50 empregados en toda a provincia, supondo o feche dos establecementos da comarca e deceas de traballadores despedidos.
Antonio Veiga, responsábel comarcal da formación nacionalista, lamenta esta situación que cualifica de “tráxica para moitas familias da Mariña” e denuncia a “falla de preocupación e actuacións do Goberno galego ante a destrución de emprego na comarca. O presidente Feijóo parece so interesado en salvar ás grandes empresas; igual que se preocupa por promocionar e por garantir os postos de traballo en empresas doutras zonas da comunidade debería preocuparse polo mantemento do emprego na Mariña á que so vén en campaña electoral a facer promesas que logo pasan á categoría de incumpridas. Unha vez máis queda en evidencia a incapacidade do Partido Popular para evitar que continúen presentándose expedientes de regulación de emprego tanto temporais como de extinción e frear o incremento de parados.”
Dende o BNG piden a Cemar Alimentación e a Covirán que reconsideren as súas decisións e traten de manter o maior número de postos de traballos posíbeis e anuncian que levarán esta situación ao Parlamento galego e aos concellos da comarca porque “no so se vai destruír emprego directo senón que veranse afectados moitos provedores e cadeas de transformación da comarca.”
O percorrido comeza nun lugar simbólico: as pontes sobre o río Sor, que unen as provincias da Coruña e Lugo e marcan un dos vértices do territorio lucense. Con esta iniciativa, Guido Guía propón unha travesía pola diversidade paisaxística, histórica e humana da provincia, destacando a riqueza dos seus espazos naturais, monumentos e comunidades.
O delegado subliñou o importante papel que realiza o tecido social para conseguir melloras en beneficio da veciñanza e dinamizar social e culturalmente a localidade. Neste sentido, lembrou que a Xunta impulsa o movemento asociativo a través de apoios para o acondicionamento dos seus locais ou para o desenvolvemento de actividades.
A cita será o luns 19 de outubro, ás 17:30 horas, cun punto de encontro no peirao de San Cibrao. Ademais, os diferentes edificios municipais iluminaranse de cor rosa para sensibilizar á poboación sobre a importancia da detección precoz, fundamental para mellorar o prognóstico e a supervivencia das pacientes que padecen esta enfermidade.
O domingo 20 de decembro a Praza César Chavarría acollerá de 11:00 a 20:00 horas unha nova edición do Mercadiño de Nadal organizado polo Concello de Lourenzá, “unha cita para desfrutar do ambiente destas datas e compartir unha xornada especial na nosa vila”, anuncia a alcaldesa, Rocío López. O prazo de inscrición para instalar cun posto xa está aberto e a participación é totalmente gratuíta. As solicitudes poden facerse ata o 16 de decembro nas oficinas do Concello de Lourenzá ou a través do teléfono 982.121.006.
Durante 45 minutos, tres malabaristas —Pablo Reboleiro, Aitor Garuz e Santiago Montero— mergúllanse nun caos divertido onde ninguén manda e todo flúe entre xogos de poder, equilibrios imposibles e humor. A obra amosa como, no mundo dos malabares, romper os patróns establecidos pode levar a descubrir que a verdadeira maxia está en aprender a xogar xuntos.
No encontro, abordáronse temas como a posibilidade de colaborar na mellora da formación dos traballadores, destacando a importancia que ten ese aspecto neste sector estratéxico para Galicia. Tamén se trocaron puntos de vista relativos ás condicións laborais dos profesionais do mar.
Pasadas as 13:30 horas deste luns, o 112 Galicia tivo constancia, a través de Urxencias Sanitarias de Galicia-061, dun ciclista que se atopaba en parada cardiorrespiratoria no quilómetro 1 da LU-151, á altura da parroquia de Fazouro. De inmediato, os xestores do Centro Integrado de Atención ás Emerxencias solicitaron a colaboración dos axentes da Garda Civil de Tráfico e da Policía Local de Foz. Malia os esforzos, os profesionais sanitarios só puideron confirmar o falecemento da persoa.
