Os populares retan ao rexedor a que limpe inmediatamente a maleza que se acumula dende fai tempo xunto a varias vivendas de Ribadeo
Silvas, toxos e outras herbas silvestres rodean varias casas de Ribadeo
Os populares pediron en numerosas ocasións a limpeza desa maleza pero a situación sigue igual
Ribadeo, 7 de novembro de 2012.- Silvas, toxos, fieitos e demáis herbas silvestres, son as prantas que rodean varias casas que se atopan no círculo habanero, na zona do Rato de Ribadeo.
Vista esa decoración, non apropiada, e que pode resultar perigosa, o Presidente dos Populares de Ribadeo instou de novo ao rexedor ribairense a que envíe a brigada de limpeza ao lugar para eliminar toda esa maleza alí presente.
“Levo alertando dende fai moito tempo do perigo desta maleza. Ademáis de ser un criadeiro perfecto para diversos animais, coma serpes, no caso de producirse un incendio, o problema pode ser maior”-manifestou López Penabad.
O popular lembrou que anteriormente o propio Concello limpaba esas fincas e a continuación pasaba a factura aos correspondentes veciños, pero actualmente nin iso.
RESPOSTA AS DECLARACIÓNS DO SEÑOR BARCIA
O Presidente dos Populares de Ribadeo instou ao rexedor a que deixe de andar enmascarando a súa falta de rigor afirmando que as obras están solicitadas e incluidas en varios plans da Deputación.
“Paréceme moi ben que as obras estén solicitadas e incluídas no Plan. Polo tempo que levamos pedindo o seu arranxo xa podían estar máis que rematadas. Vai sendo horas de que se tome as cousas en serio, e sexa dunha maneira ou de outra, se poña a traballar para o arranxo das obras e deixe de botar balóns fora decindo que se “amañará a estrada en pouco tempo”. –manifestou Penabad.
Concluíu López Penabad afirmando que nin él nin o seu partido ten secuestrado a ninguén e si foi él mesmo o que fixo as declaracións foi porque no PP pensan o mesmo e calquera ten dereito a denunciar as pésimas actuacións do Señor Barcia. Algo totalmente contrario ao que acontece no BNG, quenes van por libre e nin eles mesmo se aclaran a qué corrente pertencen.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
O deputado galego Francisco Millán Mon explicoulles o día a día da súa actividade nesta cámara e a importancia da Unión Europea para Galicia e viceversa. Desde a dirección do centro agradecen “a súa exposición e o trato dispensado ao alumnado e profesorado desprazado a Bruxelas”. Neste 2026 cúmprense 40 anos da adhesión de España á Comunidade Económica Europea, así se denominaba naquel momento. O IES de Ribadeo é Escola Mentora do Programa Escolas Embaixadoras do Parlamento Europeo.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
A mostra, aberta na sala de exposicións do Auditorio Municipal de luns a venres entre as 18:00 e as 22:00 horas, reúne preto de 30 obras de artistas emerxentes e consolidados, ofrecendo diversas miradas sobre a paisaxe, a identidade, a memoria e a realidade contemporánea. A alcaldesa, Marta Rouco, destacou o valor de que Vilalba forme parte desta programación compartida e o impacto positivo que supón para a actividade cultural local.
