Logo de que onte se retirasen as casetas de obra e unha pala grande
O Goberno do Señor Besteiro reforza as afirmacións dos populares e mostra, unha vez máis, que actúa anclado na mentira
. Os populares instan a Deputación e o goberno municipal a que se poñan a traballar sen enganar aos riotortenses e insisten en que os cidadáns non queren fotos nin palabrería, senón unha boa xestión e infraestructuras en boas condicións para dar un bo servizo.
Riotorto 22 de novembro de 2012.- Indignado e enfadado o presidente do PP en Riotorto, Clemente Iglesias, tachou de indignante, inmoral e vergoñento o Equipo de Goberno da Deputación de Lugo por mentir e enganar aos riotortenses no tocante a estrada Riotorto- Marco de Alvare.
“Fai unhas semanas, a Voceira do PP na Deputación, o edil Manuel Rivas e eu, visitábamos a estrada Riotorto- Marco de Alvare. In situ, os tres comprobamos como a Deputación de Lugo tiña paralizadas as obras da estrada Riotorto- Marco de Alvare. Uns días despois de denunciar a paralización destas construccións, o Goberno do Señor Besteiro negou que as construccións estivese paradas” manifesta Iglesias, quen engade que “a tomadura de pelo” elévase ao máximo cando xustamente, onte, se retiran as casetas de obra onde a empresa constructora tiña a oficina, o vestuario dos obreiros e unha pala grande”.
Insiste o Presidente do PP de Riotorto que dende o primeiro momento o seu partido sabía, e por iso así o denunciou, que na estrada non había actividade.
“Sabíamos, e así o denunciamos, que as obras da estrada Riotorto-Marco de Alvare estaban paralizadas, o Equipo de Goberno negouno e agora retira as casetas e unha pala”, afirma Clemente Iglesias, quen engade que os populares non se equivocaban nas súas declaracións e insisten en que estas obras iniciáronse antes dun proceso electoral para enganar aos veciños, facéndolles ver que existía boa xestión e que se desenvolvían obras, pero unha vez pasados os comicios electorais, paralizánse unha e outra vez.
Os populares piden explicacións inmediatas, tanto a Deputación como ao Goberno municipal, para que den conta desta nova paralización e deixen dunha vez por todas de mentir e de enganar aos veciños e insisten en que os veciños de Riotorto non queren palabrería nin fotos, senón que queren o arranxo deste vial para poder disfrutar cando antes desta infraestructura tan necesaria para toda a poboación.
O grupo municipal do PP solicita tamén o equipo de goberno municipal de Riotorto que igual que fixeron coa problemática de Caixa Galicia, que formen unha comisón veciñal para demandar a Deputación Provincial a realización inmediata desta infraestructura prioritaria para o noso pobo. Con esta situación demostrase a deixadez e a mala xestión do alcalde nacionalista, que non defende nin mira polos intereses dos veciños de Riotorto.
A descuberta da praca culminou unha nutrida axenda de actos de recoñecemento e divulgación do legado de Andrea López Chao que se desenvolveu nos últimos catro anos, da man dun grupo de traballo coordinado por Luis Ansedes. Tras a inauguración, na que particiou a bisneta da homenaxeada, Patricis Ares, estreouse no Auditorio Municipal o documental "Andrea López Chao. O poder de educar" da realizadora hispano cubana Violeta Ramos Valdés. Iria Castro parabenizou "as persoas que participaron no recoñecemento e divulgación da figura de Andrea López Chao, ampliando o coñecemento do seu legado e documentándoo e proxectándoo para as xeracións futuras"
"Zozobra" en palabras do propio autor, Maxi Rodríguez, é unha 'labazada de teatro que axita conciencias'. A cita é este domingo 21 de Setembro ás 20:00h. no Auditorio Municipal con entrada de balde
As delegacións municipais participan neste acto solemne que mantén viva a devoción pola patroa da cidade de Mondoñedo e reforza a unión entre os concellos da contorna. Mariña Gueimunde subliñou que «para Viveiro é unha honra participar nesta celebración tan arraigada que une ás nosas vilas a través da tradición e da cultura». Engadiu que «é fundamental preservar estas manifestacións colectivas que forman parte da nosa identidade e que fortalecen os lazos de fraternidade entre os pobos veciños».
O encargado de dar a saída foi o alcalde, Dani Vega, que estivo acompañado pola concelleira de Igualdade, Begoña Sanjurjo, e pola presidenta de Acisa, Carmen Cruzado. Por diante 21 quilómetros de percorrido por paraxes espectaculares ata chegar á meta na praia das Catedrais. A proba desenvolveuse nunha tarde soleada e moi calorosa.
O evento está organizado pola asociación de veciños da parroquia, co apoio do Goberno galego. Arias puxo en valor o traballo do colectivo organizador para "facer medrar este evento ano tras ano, consolidándoo en soamente tres anos como unha das citas destacadas no calendario festivo da comarca".
Na xuntanza, que tivo lugar no Departamento Territorial da Xunta en Lugo, avaliouse a posibilidade de establecer vías de colaboración para mellorar as infraestruturas rurais da localidade. A maiores, estudouse a situación dos instrumentos de mobilización da terra agraria que se desenvolveron na localidade e afondouse na mellora da súa xestión forestal.
O evento comezou cunha misa na igrexa parroquial e unha actuación musical a cargo do grupo de gaitas Axóuxere de Roupar. A continuación, tivo lugar o tradicional xantar no pavillón municipal e o recoñecemento ao home e á muller de maior idade. Carmela López subliñou que “máis dun terzo do noso orzamento vai para políticas sociais: para que o Servizo de Axuda do Fogar chegue a quen o precise; para que a Teleasistencia funcione 24 horas ao día, porque a tranquilidade das familias tamén é importante; e para ofrecer residencias públicas no rural, garantindo que ninguén teña que marchar da súa terra para recibir os coidados que merece”.
