OS SOCIALISTAS NON ENTENDEN QUE SE APAGUEN FAROLAS DESPOIS DE GASTAR MÁIS DE 60 MILLÓNS DE PESETAS NUN PLAN DE AFORRO ENÉRXETICO
-O señor Villares tirou ó lixo máis de 360.000 euros pois, “que agora teñamos que asumir un apagón de gran parte do alumeado público demostra que o plan que nos venderon non valeu para nada”
-Engaden que “ademais, actúan sen ningún sentido, xa que están apagando farolas que daban servizo a núcleos de casas cando hai outras alumando lameiros”
CERVO, 23 DE NOVEMBRO. Os socialistas de Cervo aseguran que dende o Concello se están adicando a apagar sin ton nin son as farolas do municipio, “os veciños quedan sen un bo servizo de alumeado público despois de que este equipo de goberno se gastase case 400.000 euros nun plan de aforro enerxético hai dous anos”.
Naquel momento, o alcalde, Alfonso Villares, fixo unha inversión cos fondos do Plan E de 2009 de, exactamente, 364.982 euros, que son máis de 60 millóns das antiguas pesetas e “agora temos que apagar as farolas. Isto demostra que o plan de aforro enerxético que nos venderon, levado adiante sen un previo estudio de viabilidade, non valeu para absolutamente nada”.
Os membros do PSOE cervense subliñan que “o feito de que se teña que apagar gran parte do alumeado público non ten outro responsable que o señor Villares, tiraron os cartos ó lixo e os veciños pagamos as consecuencias”.
Ademais de tomar a decisión de deixar ós cervenses sen luz pública, “están actuando sen ningún sentido, pois existen núcleos de vivendas coa correspondente farola apagada cando hai outras encendidas alumando lameiros e zonas deshabitadas. É unha vergonza ter que consentir esta actuación do equipo de goberno, esixiremos que se asuman responsabilidades para que este tipo de desacertos non volvan a suceder”.
A variada oferta de produtos de artesanía e de alimentación de temporada e proximidade á venda complementouse con degustacións de minihamburguesas de carne de raza Limiá e empanada de carne de porco celta e tenreira de raza Caldelá, que se repartiron gratuitamente entre as peroas que fixeron algunha compra no Mercadiño.
Os cortes produciranse do punto quilométrico 2,800 ao final da vía. Habilitaranse desvíos alternativos que estarán debidamente sinalizados.
Cada participante pode presentar unha única fotografía, en papel e formato dixital, seguindo as bases dispoñibles na web da Deputación. A celebración do aniversario inclúe actividades como a Xornada de Degustación da Tenreira de Ancares, unha xornada micolóxica e un obradoiro de rescate na montaña, ademais doutras propostas ambientais e divulgativas nos próximos meses.
Dez minutos antes das 21:30 horas do xoves, o 112 Galicia foi informado polo persoal de Adif dun tren detido no medio dun túnel en Mogor, Mañón, debido a unha chapa metálica no medio da vía. Así, aínda que as doce persoas que viaxaban a bordo estaban ilesas, precisaban medios de rescate para baixalas do convoi e desprazalas ata o apeadeiro máis próximo. Nestas tarefas colaboraron a Garda Civil, os Bombeiros do Eume, o GES de Ortigueira e os voluntarios de Protección Civil de Mañón. Finalmente, as persoas foron rescatadas e evacuadas a outro tren, que as levou ata o apeadeiro sen maiores complicacións. Desde alí, continuaron a súa viaxe en taxi.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
