OS SOCIALISTAS SÚMANSE Á PLATAFORMA DE AFECTADOS POLOS ABUSOS DO MERCADO ELÉCTRICO PARA LOITAR CONTRA A PROBLEMÁTICA
-Aseguran que “son moitos os afectados no noso concello, incluídos nós, e pretendemos estar á última en canto a noticias se refire para poder facilitar tódolos datos e axuda ós nosos veciños”
-O vindeiro luns, día 19, terá lugar no local do PSdeG-PSOE en San Ciprián, unha charla informativa na que “o Presidente da plataforma explicará cómo proceder ante estes problemas e aclarará calquera dúbida dos asistentes”
CERVO, 15 DE NOVEMBRO. O PSdeG-PSOE de Cervo vén de adherirse á Plataforma de afectados polos abusos do mercado eléctrico, “son moitos os veciños afectados no noso municipio, e en xeral, en toda a Mariña. Ademais, nós como partido político tamén estamos sufrindo complicacións coas facturas do consumo eléctrico. Queremos loitar en nome de todos para que se lle dé solución a este problema, faremos todo o que estea nas nosas mans”.
Os socialistas amosaron a súa preocupación e denunciaron o asunto en varias ocasións, “diferentes comunidades de propietarios de Cervo recibiron facturas desorbitadas, e qué dicir, do caso do noso veciño que necesita a diario unha máquina eléctrica para suministrar a súa medicación. Ante as advertencias de corte do subministro por parte das eléctricas, moitos cervenses viven en situación de completa impotencia. Non podemos consentir que esto continúe así”.
Ante a gravidade da situación e a nula resposta da Consellería de Industria, “decidimos adherirnos a esta plataforma para poder estar á última en canto a noticias se refire, e poder aportar ós nosos veciños toda a información que nos sexa facilitada para apoialos e axudalos en todo o que nos sexa posible”.
Charla informativa en Cervo
Grazas á Plataforma de afectados polos abusos do mercado eléctrico, o vindeiro luns, día 19, ás 20:30 horas, terá lugar unha charla informativa sobre a problemática no local do PSdeG-PSOE en San Ciprián.
O Presidente da plataforma, José Luis Moñita, explicará cómo proceder ante un problema coas facturas do consumo eléctrico e solventará as dúbidas de tódolos asistentes. “Invitamos a todos aqueles afectados a asistir e cómo non, a aqueles veciños que non estén sufrindo agora mesmo o problema e que igualmente queiran coñecer a situación, nun futuro poderían verse tamén perxudicados”.
Dez minutos antes das 21:30 horas do xoves, o 112 Galicia foi informado polo persoal de Adif dun tren detido no medio dun túnel en Mogor, Mañón, debido a unha chapa metálica no medio da vía. Así, aínda que as doce persoas que viaxaban a bordo estaban ilesas, precisaban medios de rescate para baixalas do convoi e desprazalas ata o apeadeiro máis próximo. Nestas tarefas colaboraron a Garda Civil, os Bombeiros do Eume, o GES de Ortigueira e os voluntarios de Protección Civil de Mañón. Finalmente, as persoas foron rescatadas e evacuadas a outro tren, que as levou ata o apeadeiro sen maiores complicacións. Desde alí, continuaron a súa viaxe en taxi.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
O sindicato denuncia a decisión unilateral da empresa de retirar días de descanso e implantar quendas que dificultan a conciliación. As concentracións serán nos centros de traballo de Foz (Uxío Novoneira s/n) e Ribadeo (Avda. Galicia 27). Lémbrase que non é unha folga e apélase á solidariedade da plantilla para defender as condicións laborais conquistadas.
Ás 15:15 horas deste martes, un particular solicitou asistencia sanitaria tras a caída dun raio no lugar de Castro de Igrexa (Cazás, Xermade). Varias persoas sentiron os efectos da descarga eléctrica e unha delas quedou atolada. Tras dar aviso ao Servizo de Urxencias Sanitarias de Galicia-061, Garda Civil e Protección Civil, a persoa afectada foi evacuada consciente ao Hospital Universitario Lucus Augusti.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
