A Asociación de Amigas e Amigos da Banda de Burela (AABB) lamenta que o Concello de Burela non se teña pronunciano sobre a proposta de Convenio de colaboración entre a propia AABB e o Concello, para “promoción da Banda de Música de Burela”. O anterior convenio, asinado en decembro de 2009 foi denunciado polo actual goberno municipal en outubro de 2011, suprimindo algún dos puntos do citado convenio, como o relativo á aportación económica que facía o Concello á AABB por importe de 6.000 €, e indicando na propia denuncia que se facía necesario “proceder á modificación do Convenio”.
A AABB, a petición do Concello, presentou unha proposta de Convenio en decembro de 2011. Esta proposta non implicaba aportación económica algunha por parte do Concello e presentábase como proposta de mínimos que podía ser asumida por ambas as partes. En outubro de 2012, un ano despois de que o Convenio de Colaboración fose denunciado, o Concello aínda non se tiña pronunciado sobre a nova proposta de convenio presentada. Por este motivo e co obxecto se coñecer o parecer do Concello, a AABB solicitou por escrito unha resposta que debía ser notificada nun prazo de 20 días hábiles, sen que esta solicitude fose atendida ata o día de hoxe.
Dado o silencio que mantén o Concello de Burela sobre esta cuestión, a AABB entende que non existe ningún interese en asinar a proposta de Convenio presentada ou directamente que non hai vontade de colaborar na promoción da Banda de Música de Burela. A AABB lamenta non saber os motivos deste silencio, mais afirma que seguirán a traballar pola Banda de Burela e que continuarán a programar actuacións ata onde cheguen as súas posibilidades. A AABB decidirá en Asemblea Xeral, a celebrar nas próximas semanas, que medidas adoptará para a viabilidade da Banda e adianta para xa as actuacións do Nadal.
A Banda de Música de Burela realizará dúas actuacións neste Nadal. A primeira delas terá lugar o próximo mércores, 26 de decembro, na Residencia dos Maiores de Burela, ás 17:00 horas. Nesta actuación a Banda de Burela interpretará pezas do repertorio popular: pasodres, xotas, boleros… Xa para finalizar as festas do Nadal e dar a entrada ao Ano Novo, a Banda dará o seu tradicional Concerto de Reis, que terá lugar o domingo, 6 de xaneiro, ás 20:00 horas no Auditorio Municipal de Burela. Neste concerto interpretaranse obras de tipo sinfónico compostas orixinalmente para banda, así como pezas do repertorio galego para banda e algunha outra sorpresa.
Aproveitamos para convidar a todos os veciños e veciñas de Burela a este concerto tan especial para nós e desexarlles un moi “Bo Nadal e próspero e musical 2013!”
Este lume iniciouse ás 14.51 horas do luns e para a súa extinción mobilizáronse, de xeito acumulado, 2 técnicos, 14 axentes, 20 brigadas, 21 motobombas, 1 pa, 5 helicópteros e 7 avións. 
José Luis Teso Celis é o vendedor da ONCE que repartiu estes cartos na localidade mariñá, desde o seu punto de venda situado na Avenida da Mariña, número 46.
Durante a xornada realizarase un mural inspirado na obra Diálogo (1946) de Luís Seoane, que Maruja Seoane levou a tapiz ese mesmo ano. A organización convida a toda a veciñanza a participar con lecturas, conversas, cantos, bailes e un xantar compartido.
O xoves haberá unha gran sardiñada no Campo da Pascua e o venres dedicarase ao Día do Neno con atraccións a prezos populares. A organización corre a cargo da Comisión de Festas de San Xoán de Covas coa colaboración das administracións locais e autonómicas.
Os subcampións foron Benja e Álvaro. O torneo reuniu no Real Club Náutico arredor dun centenar de xogadores procedentes de Galicia, Asturias e Castela e León, consolidándose como unha das citas máis destacadas do calendario musístico da costa lucense. Desde LuMus agradecen “el apoyo del Concello de Ribadeo, del Real Club Náutico de Ribadeo, de Mapfre y del resto de colaboradores y patrocinadores que hicieron posible esta cita, que dio comienzo a primera hora de la mañana y se prolongó durante toda la jornada del sábado”.
O festival De Cabo a Cabo, organizado por Fanto Fantini cunha achega provincial de 20.000 €, puxo en valor a diversidade cultural de Burela, onde o 10% da poboación é de orixe caboverdiana. A programación espallouse por varios espazos da vila con música, intervencións artísticas e torneos deportivos, e contou coa presenza de artistas como Baiuca, DJ Danifox, DJ Kandole, Batuko Tabanka, Lilaina ou Saya. A contribución da Deputación permitiu cubrir a infraestrutura técnica e loxística, así como os custos de organización e contratación das actividades.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
