A CONCELLERÍA DE EDUCACIÓN E CULTURA PROMOVE A CREACIÓN DUN GRUPO DE TEATRO INFANTIL E XUVENIL. O PRAZO PARA APUNTARSE REMATA A FINAIS DESTE MES.
Lourenzá, 19 de decembro de 2012. A Concellería de Educación e Cultura promove a creación dun grupo de teatro infantil e xuvenil que empezará a ensaiar no vindeiro ano 2013. Poderán participar nenos e rapaces maiores de 7 anos que deberán apuntarse na biblioteca municipal antes de que remate este mes.
A concelleira de Cultura, Lupe Flórez, explicou que se trata de “poñer en marcha de cara ao ano 2013 un novo proxecto, consistente na creación dun grupo de teatro infantil e xuvenil, para o cal estamos poñendo a disposición de todos aqueles que queiran apuntarse, nenos e rapaces a partir de 7 anos, un listado que vai estar situado na biblioteca onde temos a Oficina Municipal de Información Xuvenil (OMIX), que está aberta de 5 a 8 da tarde, e todos aqueles interesados poden pasarse ata o remate do mes de decembro coa intención de elaborar unha lista para formar un grupo, empezar os ensaios e adaptar unha obra teatral conforme ao número de xente coa que contemos”.
Lupe Flórez destacou que “o teatro en Lourenzá gusta moito, sobre todo o de carácter popular, visto a asistencia ás representacións que tivemos no ciclo teatral do mes de novembro, e pensamos que enganchar á xente dende pequenos pode dar resultado de cara a formar un grupo teatral máis ou menos estable e continuo no tempo”.
A mostra inaugúrase o luns 19 de outubro ás 12.00 horas na Casa da Cultura, onde permanecerá aberta ao público ata o 19 de novembro. A iniciativa, promovida polo Concello, ofrece unha selección de obras nas que o artista explora a cor, a luz e a expresión contemporánea, consolidando a súa traxectoria dentro deste movemento artístico.
Da man da FCAM Ribagorda está a coñecer establecementos comerciais que cumpriron corenta anos de vida e outros que se achegan aos cen. A Federación de Comercio A Mariña aproveita esta estadía do coñecido xornalista para amosarlle as potencialidades turísticas da comarca. José Ribagorda visitou a Basílica de San Martiño en Foz e o Centro de Interpretación da Faba en Lourenzá. A súa viaxe pola Mariña seguirá hoxe e mañá.
O 112 Galicia tivo constancia dos feitos contra as 19:30 horas deste venres, a través dun particular que se atopaba no punto: un coche que participaba nunha proba de rallye en San Fiz de Paz (Outeiro de Rei) perdeu unha roda, e esta acabou golpeando a un espectador, quen precisaba asistencia sanitaria. De inmediato, desde o 112 Galicia informouse a Urxencias Sanitarias de Galicia-061 e os axentes da Garda Civil. Foi a propia organización do evento a que se fixo cargo do traslado.
O paseo polas rúas da vila xunto as Sanluqueiras e Sanluqueiros e o pregón de Luis Rego marcaron o arranque oficial das feiras e festas mindonienses, que chegan este ano a edición 870. A Vicepresidencia da Deputación de Lugo colabora de forma estable e continuada coa Asociación As San Lucas de Mondoñedo, cunha achega da área de Cultura que este ano -coincidindo coa 870 edición- incrementou dos 20.000 aos 30.000 euros.
Trátase dunha iniciativa que favorece a colaboración entre o tecido asociativo e o voluntariado para mellorar e conservar as contornas naturais do municipio. Os traballos centráronse na limpeza deste espazo costeiro, contribuíndo ao seu coidado e á conservación do medio natural. A alcaldesa de Cervo, Dolores García Caramés, achegouse ata a praia para acompañar as persoas participantes nesta iniciativa agredecendo a implicación de Mistura de Lieiro e das persoas voluntarias que participaron nesta xornada, contribuíndo, coa súa colaboración, a manter limpos e coidados os espazos naturais de Cervo.
As estudantes recibiron o galardón “Pizza Chef Emergente”, un recoñecemento que destaca o talento das novas promesas da gastronomía e que supón un importante logro para o centro educativo e para a formación profesional da comarca.
O delegado subliñou o importante papel que realiza o tecido social para conseguir melloras en beneficio da veciñanza e dinamizar social e culturalmente a localidade. Neste sentido, lembrou que a Xunta impulsa o movemento asociativo a través de apoios para o acondicionamento dos seus locais ou para o desenvolvemento de actividades.
