Co obxetivo de dar cumprimento aos principios de legalidade
O GPP interpuxo unha reclamación administrativa contra o Orzamento Xeral da Deputación de Lugo
. Atopámonos ante unha suposta vulneración do principio de legalidade constitucionalmente proclamado, posto que a insuficiencia de crédito choca frontalmente contra as esixencias normativas previstas
. A dotación orzamentaria da Deputación de Lugo, non cubre o mínimo competencial establecido no decreto de servizos sociais a prestar pola entidade local; uns servizos amparados polo texto constitucional e tan necesarios nestes tempos de crise económica
Lugo, 19 de decembro de 2012-. O Grupo Provincial Popular, interpuxo hoxe unha reclamación administrativa contra o orzamento xeral da Deputación de Lugo, aprobado inicialmente o día 27 do pasado mes de novembro, posto que non garante as competencias en materia reguladas por lei.
Afirma Elena Candia que as contas provinciais para 2013 non cubren o mínimo competencial establecido no decreto de servizos sociais a prestar pola entidade local; uns servizos amparados polo texto constitucional e tan necesarios nesta época de crise
“Percibimos a omisión do crédito necesario para o cumprimento das obrigas esixibles ao Organismo Provincial polo que detectamos un incumprimento do Decreto 99/2012 do 16 de marzo, polo que se regulan os servizos sociais, norma autonómica de Galicia, de obrigado acatamento pola Deputación, que no artigo 31 fixa as competencias mínimas do Ente en materia de servizos sociais para os municipios de menos de 20.000 habitantes”- afirmou Candia, quen engade que, segundo este decreto, as Deputacións provinciais tamén apoiarán prioritariamente o financiamento do SAF básico aos concellos de menos de 20.000 habitantes, así coma o financiamento aos ditos concellos para a contratación de persoal dos equipos con perfís profesionais diferentes e complementarios ao do profesional de referencia que se regula no artigo 37 deste decreto.
A popular afirma que existen unha serie de cuantías, nas que se detecta unha suposta vulneración do principio de legalidade constitucionalmente proclamado, posto que a insuficiencia de crédito descrita, choca frontalmente contra as esixencias normativas previstas no Decreto.
Conclúe a Voceira do PP na Deputación de Lugo, que na dotación orzamentaria non se cubre o mínimo competencial establecido no decreto polo que co obxetivo de dar cumprimento aos principios de economía procesal e principio de legalidade, o GPP interporá unha reclamación administrativa contra o Orzamento Xeral da Deputación de Lugo para velar polo xusto e correcto uso dos recursos económicos por parte do Ente Provincial.
A mostra inaugúrase o luns 19 de outubro ás 12.00 horas na Casa da Cultura, onde permanecerá aberta ao público ata o 19 de novembro. A iniciativa, promovida polo Concello, ofrece unha selección de obras nas que o artista explora a cor, a luz e a expresión contemporánea, consolidando a súa traxectoria dentro deste movemento artístico.
Da man da FCAM Ribagorda está a coñecer establecementos comerciais que cumpriron corenta anos de vida e outros que se achegan aos cen. A Federación de Comercio A Mariña aproveita esta estadía do coñecido xornalista para amosarlle as potencialidades turísticas da comarca. José Ribagorda visitou a Basílica de San Martiño en Foz e o Centro de Interpretación da Faba en Lourenzá. A súa viaxe pola Mariña seguirá hoxe e mañá.
O 112 Galicia tivo constancia dos feitos contra as 19:30 horas deste venres, a través dun particular que se atopaba no punto: un coche que participaba nunha proba de rallye en San Fiz de Paz (Outeiro de Rei) perdeu unha roda, e esta acabou golpeando a un espectador, quen precisaba asistencia sanitaria. De inmediato, desde o 112 Galicia informouse a Urxencias Sanitarias de Galicia-061 e os axentes da Garda Civil. Foi a propia organización do evento a que se fixo cargo do traslado.
O paseo polas rúas da vila xunto as Sanluqueiras e Sanluqueiros e o pregón de Luis Rego marcaron o arranque oficial das feiras e festas mindonienses, que chegan este ano a edición 870. A Vicepresidencia da Deputación de Lugo colabora de forma estable e continuada coa Asociación As San Lucas de Mondoñedo, cunha achega da área de Cultura que este ano -coincidindo coa 870 edición- incrementou dos 20.000 aos 30.000 euros.
Trátase dunha iniciativa que favorece a colaboración entre o tecido asociativo e o voluntariado para mellorar e conservar as contornas naturais do municipio. Os traballos centráronse na limpeza deste espazo costeiro, contribuíndo ao seu coidado e á conservación do medio natural. A alcaldesa de Cervo, Dolores García Caramés, achegouse ata a praia para acompañar as persoas participantes nesta iniciativa agredecendo a implicación de Mistura de Lieiro e das persoas voluntarias que participaron nesta xornada, contribuíndo, coa súa colaboración, a manter limpos e coidados os espazos naturais de Cervo.
As estudantes recibiron o galardón “Pizza Chef Emergente”, un recoñecemento que destaca o talento das novas promesas da gastronomía e que supón un importante logro para o centro educativo e para a formación profesional da comarca.
O delegado subliñou o importante papel que realiza o tecido social para conseguir melloras en beneficio da veciñanza e dinamizar social e culturalmente a localidade. Neste sentido, lembrou que a Xunta impulsa o movemento asociativo a través de apoios para o acondicionamento dos seus locais ou para o desenvolvemento de actividades.
