O VENRES TERÁ LUGAR O CONCERTO ACÚSTICO DE SÉS PARA TODO O ALUMNADO DE 3º E 4º DE ESO DE RIBADEO. SERÁ A PARTIRES DAS 11 NO CINE TEATRO.
Ribadeo, 19 de decembro de 2012. O vindeiro venres, 21 de decembro, terá lugar o concerto acústico con Sés, que se tivera que suspender o pasado 25 de novembro. A actividade está dirixida a todo o alumnado de 3º e 4º de ESO e á mesma acudirán un total de 256 rapaces e rapazas. O concerto acústico de Sés será no Cine Teatro a partires das 11 da mañá.
Formada na música e no baile tradicional, María Xosé Silvar (Sés) é profesora e licenciada en Filoloxía Galega e Antropoloxía Social. En 2007 crea xunto a tres amigos Chámalle Xis!, un dos grupos revelación daquel ano e un dos gañadores do concurso A Coruña Son, apadriñado por Santiago Auserón. Despois de máis de 30 concertos por toda Galicia con Chámalle Xis! e logo de colaborar con grupos coma Zënzar, mítica banda rockera de Cereceda, con Xabier Díaz e Guillerme Fernández no seu disco Arrolos de Salitre no que interpreta Caneando ruainas, unha peza escrita nunha antiga xerga empregada polos canteiros ourensás. María Xosé Silvar emprendeu un novo proxecto no que ademáis das súas dotes interpretativas – torrente de voz espontáneo – amosa o seu talento como compositora.
No 2012 publica Admirando a condición, o primeiro disco de Sés (o nome «caseiro» de María Xosé Silvar), un proxecto 100% en galego e 100% en feminino. Ritmos americanos repensados en galego e en feminino, letras escritas a conciencia e unha actitude enérxica e independente enriba e debaixo do escenario.
Desde o CIM explican que “a súa formación en xénero, permitíralle impartir unha charla ao alumnado na que lles falará da súa experiencia como música, do papel das mulleres ao longo da historia na música, e das discriminacións que por mor do xénero sofren as mulleres no eido musical. Utilizará conceptos xerais sobre as diferenzas entre mozas /os para co fin de visibilizarlles a igualdade que ten que imperar nas relacións entre as persoas. A súa linguaxe fresca, fluída, directa e as veces irreverente e maleducada permítelle conectar co público adolescente facilmente. Ese vínculo comunicativo e empático que xera é o que nos posibilita que a transmisións dos valores da igualdade entre mulleres e homes teñan máis éxito que nun obradoiro ao uso”.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
Os deslizadores acuáticos enchen de diversión a praia dos Bloques. Onte, martes, estiveron operativos pola tarde e hoxe, mañá e o venres estarán dispoñibles de 11:30 a 14:00 horas e de 16:00 a 19:30 horas. O concelleiro de Deportes, Francisco José Silvent, anima á rapazada “a achegarse á praia dos Bloques a gozar das actividades de verán que deseñamos desde o Concello. Hóuboas para todos os gustos e idades tanto na pista multideporte como na praia dos Bloques. Agardamos que disfruten estes días cos deslizadores acuáticos, xogando e pasando un mes de agosto o máis divertido posible”.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
