Lara Méndez participou na entrega de trofeos do maratón solidario de fútbol sala dos bombeiros
– A iniciativa dos bombeiros de Barreiros conseguiu mobilizar a persoas de toda a provincia, que colaboraron dende un principio con esta acción solidaria que rematou hoxe cun emocionante maratón de fútbol sala, un sorteo benéfico e unha demostración en vivo do labor destes profesionais
– Todos os alimentos e cartos recadados serán entregados proximamente ós Servizos Sociais dos Concellos de Barreiros, Foz, Burela, Trabada, Mondoñedo, Lourenzá, Alfoz, O Valadouro e Riotorto para o seu reparto entre as familias máis necesitadas destes Concellos
– Estes profesionais que prestan servizos no Parque de Barreiros xa están pensando en novas iniciativas, que porán en marcha coa asociación con fins sociais que van crear en breve
A Vicepresidenta segunda da Deputación de Lugo, Lara Méndez, acudiu hoxe a Foz para facer entrega dos trofeos ós vencedores do maratón de fútbol sala que, con carácter solidario, organizaron os bombeiros que prestan servizos no Parque de Bombeiros de Barreiros, complexo do Consorcio Provincial integrado por Deputación de Lugo e Xunta de Galicia. Foi o acto que pechou unha semana na que non só estes profesionais da loita contra incendios da Mariña amosaron unha vez máis a súa vocación de servizo, senón que tamén o fixeron todos os lucenses que participaron activamente todos estes días. Dende un primeiro momento, tanto cidadáns particulares coma comerciantes e administracións volcáronse cos bombeiros de Barreiros aportando, na medida das súas posibilidades, tanto agasallos coma cartos para colaborar coas actividades programadas.
Estas iniciáronse formalmente o pasado xoves, cando seis bombeiros acudiron, en representación dos 22 que prestan servizos no parque de Barreiros, ó Hospital da Costa para entregar ós nenos e nenas ingresados na Unidade de Pediatría e ó propio centro hospitalario, os xoguetes e agasallos que, dende días antes, foron chegando ó Parque procedentes de negocios dos 10 Concellos ós que estes profesionais dan cobertura.
Alimentos por entradas
Finalmente o sábado ás 10:00 horas arrincou no focense pavillón Torques de Marzán o torneo benéfico de fútbol sala que enfrontou a equipos formados por bombeiros de Barreiros, Vilalba e Lugo e Gardas Civís, Policías Locais e persoal de Protección Civil e 061 destes 10 Concellos. A xornada transcorreu cun perfecto ambiente de camaradería e deportividade entre os contrincantes.
Esta mañá comezaron novamente os partidos, que foron presenciados por numeroso público que acudiu ó Pavillón cos alimentos que entregaron a xeito de entrada para acceder ás instalacións. Todo o recadado entregarase nos vindeiros días ós Servizos Sociais dos Concellos de Barreiros, Foz, Burela, Trabada, Mondoñedo, Lourenzá, Alfoz, O Valadouro e Riotorto para o seu reparto entre as familias máis necesitadas destes Concellos.
O ambiente estivo moi animado, xa que a todos os que asistiron a presenciar os encontros hai que sumar a cantidade de público que presenciou a demostración en vivo dos traballo dos bombeiros e do persoal de emerxencias do 061, durante o simulacro de excarceración que levaron a cabo. Moitos nenos e nenas acudiron tamén a ver de preto os camións de bombeiros que estaban situados tras o pavillón, e así coñecer mellor o traballo que fan e os medios cos que contan.
Unha vez rematados os partidos previos á final, chegou o momento do sorteo benéfico entre os asistentes e no que os afortunados recibiron os agasallos cedidos por establecementos comerciais, entre os que había diferentes prendas de roupa, variados complementos de vestir e bonos para servizos coma perruquerías. A recadación conseguida coas rifas, que se vendían a 2 euros, irá igualmente destinada a sufragar as necesidades de familias con poucos recursos.
Finalmente, a partires das 17:30 horas chegou o momento da final e a entrega de trofeos, coa que rematou a primeira das moitas iniciativas de carácter solidario que os bombeiros do parque de Barreiros planean organizar.
Asociación solidaria dos bombeiros
A primeira de moitas, xa que tal e coma eles manifestaron en días pasados, a súa intención é a de crear proximamente unha asociación con fins sociais, coa que tratarán de impulsar outros eventos solidarios para colaborar directamente cos colectivos máis desfavorecidos da Mariña, algo que sen dúbida, garda moita relación coa vocación de servizo que amosan sempre estes profesionais.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
