ECONOMÍA E INDUSTRIA ORGANIZA EN TRABADA UNHA XORNADA DESTINADA A PROMOVER A CREACIÓN DE EMPRESAS FORESTAIS
Mediante o proxecto piloto Creando Rede, coordinado polo Igape no ámbito do Impulsa Lugo, prevese achegar formación especializada para facilitar a cooperación, o emprendemento e a valorización dos recursos locais
Lugo, 11 de decembro de 2012.-Economía e Industria organiza, no marco do Impulsa Lugo e a través do Igape, unha xornada técnica destinada a promover o traballo en rede, o emprendemento e a creación de novas empresas, especialmente asociadas ao sector forestal, nas comarcas da Mariña.
Ese é o obxectivo fundamental da xornada de traballo que constitúe unha experiencia piloto e que inclúe, entre outros contidos, unha mesa con expertos que debaterán sobre as diferentes fórmulas para a xestión forestal. O encontro desenvolverase mañá, 12 de decembro, na Casa de Cultura do concello de Trabada, a partir das 9,30 horas.
Dende o Igape estase a desenvolver unha experiencia piloto mediante o proxecto Creando Rede, un grupo de traballo conformado con axentes de desenvolvemento local (ADLs) da Mariña lucense, para a formación específica en creación de redes empresariais sobre o territorio, e formación de redes profesionais entre os técnicos participantes na experiencia.
Como organismo adscrito á consellería de Economía e Industria, o Igape ten entre as súas funcións fomentar o espírito emprendedor, apoiar a creación de empresas, dotar aos futuros empresarios e empresarias dos coñecementos e habilidades necesarios para xestionar a súa empresa e apoiar a consolidación e innovación no tecido empresarial galego.
Nun contexto coma o actual, onde a supervivencia de empresas e a súa rendibilidade está a ser máis problemática, faise especialmente necesaria a implantación de novas fórmulas e metodoloxías formativas, capaces de dotar de coñecemento e ferramentas axeitadas aos axentes de promoción económica no eido local, para dinamizar así o territorio facilitando a creación de novas empresas e apoiar ás existentes.
Os traballos deste grupo comezaron no pasado verán, e o obxectivo desta iniciativa é asentar unha rede profesional, con axentes de emprego da Mariña lucense, que permita crear redes empresariais e profesionais na súa contorna para un mellor aproveitamento dos recursos locais en xeral, e dos forestais en concreto.
No proxecto Creando Rede participan, a través dos seus axentes de desenvolvemento local, os concellos de Alfoz, A Pontenova, Barreiros, Burela, Cervo, Foz, Lourenzá, Mondoñedo, Ourol, O Valadouro, O Vicedo, Ribadeo, Trabada e Xove.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
Durante tres días desfrutan dun programa intenso de actividades na natureza: montaxe e desmontaxe do campamento, surf en Esteiro, tiro con arco, xincana e diversos xogos. A iniciativa está promovida polas Concellerías de Xuventude e Deporte xunto coa Oficina de Información Xuvenil.
Olimpia López, supervisou hoxe en Cospeito un control da campaña de velocidade da DGT, que busca previr sinistros nun verán de maior tráfico. Lembrou que a velocidade inadecuada está presente no 22 % dos accidentes mortais e apelou á responsabilidade dos condutores: cada km/h conta para salvar vidas.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
Estiveron acompañados polas técnicas de xuventude Mónica López Sanjurjo e Silvia Rodríguez Barreiro, para gozar das diferentes piscinas e tobogáns deste parque acuático. A viaxe estivo organizada polas Concellerías de Xuventude e Deporte e pola Oficina de Información Xuvenil dentro do programa Verán a Tope en Xove 2026.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
O evento, organizado pola Asociación Cultural Xuvenil O Castelo reuniu a numerosos veciños e visitantes e celebrouse durante catro días. A programación incluíu actuacións musicais, actos relixiosos, xogos tradicionais e unha comitiva da camións, coches e motocicletas que percorreron todas as parroquias deste concello mariñán.
