“Recuperar a historia para conquistar o futuro”
Xornada de recoñecemento ao Reino de Galiza.
No próximo domingo 16 de Decembro, a organización xuvenil do BNG, GALIZA NOVA, celebrará unha xornada lúdico cultural co obxectivo de reivindicar a historia nacional galega, tantas veces deturpada ou ocultada pola historiografía oficial e, nomeadamente, a historia do Reino de Galiza.
Os actos comezarán a primeira hora da mañá cun roteiro até o Alto da Frouseira, onde se realizará un izado de bandeiras. A seguir, ás 12:30, na Casa da Xuventude de Mondoñedo, celebrarase unha mesa redonda coa participación do ex-deputado do BNG no Parlamento europeo, Camilo Nogueira, que falará sobre o papel do Reino de Galiza na Idade Media e o historiador Xoan Carlos Breixo que falará sobre a figura de Pardo de Cela. Ao remate, as e os que así o desexaren poderán desfrutar dun cocido na Taberna O Valeco. Xa pola tarde, ás 17:00, Galiza Nova brindará a xa tradicional homenaxe á figura de Pardo de Cela na Praza da Catedral de Mondoñedo, que este ano contará coa presenza do recén eleito Secretario Xeral, Alberte Mera e co Responsábel Comarcal do BNG, Antonio Veiga.
Con estas actividades, Galiza Nova pretende achegar á mocidade mariñá etapas e personaxes da nosa historia indispensábeis para entendermos a evolución socio histórica de Galiza, así como conmemorar unha data ineludíbel no noso calendario nacional; a da execución do Mariscal Pardo de Cela.
Desde Galiza Nova, facemos un convite aberto e un chamado á participación nesta xornada de actividades arredor do antigo Reino de Galiza. Actividades coas que irmos construíndo máis consciencia do noso pasado, requisito imprescindíbel para garantirmos o noso futuro colectivo como nación.
O acto terá lugar o vindeiro luns 18 de maio, coincidindo coa celebración do Día Internacional dos Museos, unha data sinalada para poñer en valor o patrimonio cultural e mariñeiro do concello. Tras un período de traballos de mellora e adecuación, o museo —un referente na comarca— reabre para ofrecer ás persoas visitantes unha viaxe inmersiva a través da herdanza mariñeira, da industria conserveira e da estreita relación das súas xentes co Cantábrico.
Unha obra para todos os públicos. Hora: 20.00. Entrada libre ata completar aforo, non é necesario facer reserva de entradas.
O encontro, aberto ao público, terá lugar na Casa Museo Álvaro Cunqueiro e será moderado por membros da propia asociación. A sesión busca reflexionar colectivamente sobre a posibilidade de que Mondoñedo aspire a ser recoñecida como Patrimonio da Humanidade, abordando a cuestión desde perspectivas históricas, patrimoniais, artísticas, naturais e humanísticas. A actividade comezará ás 11:00 h e a organización anima a toda a veciñanza a participar e compartir opinións.
O Comité de Empresa de Alúmina‑Aluminio San Cibrao informa de que a Secretaría de Industria convocou ao comité á 19ª reunión de seguimento do acordo de viabilidade, que se celebrará o venres 15 de maio ás 12:30 horas na Delegación do Goberno en A Coruña. Unha vez rematada a reunión, o comité procederá a informar aos traballadores sobre os resultados e avances do encontro.
A participación estará aberta do 14 ao 18 de maio, e a persoa gañadora poderá escoller entre cinco modelos diferentes. A propietaria, Susana Moreira, fai un balance moi positivo desta década, na que o negocio evolucionou ata centrarse en mercería, venda de la e artigos artesanais elaborados por ela mesma. Ademais, ofrece arranxos de roupa e organiza cursos e talleres de ganchillo, calceta e bordado, como o previsto para o 23 de maio. A maior parte da clientela e das persoas que participan nas actividades son mulleres, aínda que tamén acoden nenos e mozos interesados en técnicas como os amigurumis.
Será este xoves, día 14 de maio, ás 19:00 horas no salón de actos do Concello. O mago Pedro Bugarín presentará o seu espectáculo titulado Galicia con maxia. Para esta actividade o Concello de Lourenzá conta coa colaboración da Deputación de Lugo.
Nesta ocasión participará Susana Vázquez Fernández, coach de saúde emocional e facilitadora en procesos de duelo e perda, que impartirá o faladoiro “Xestión do ánimo”, centrado en técnicas de relaxación, pensamento positivo e coidado da saúde mental para mellorar o benestar emocional. A actividade está aberta á veciñanza e busca crear un espazo para compartir, aprender e coidarse en comunidade. Conta co apoio e colaboración da Asociación de Xubilados Terramar.
