O BURELA FS B VISITA A PISTA DO IES CORUXO, RIVAL DIRECTO
Despois dunhas merecidas minivacacións, a liga de Terceira e o Burela FS Pescados Rubén B volven á competición coa visita á pista do C. de Vigo IES Coruxo, rival directo co que está empatado a 18 puntos na tentativa de acceder ao ecuador clasificatorio e que está dando que moito que falar entre os de arriba. O municipal das Travesas recibirá o duelo o sábado, ás 17.00 horas.
O cadro de Iván Cao, Lucas, volveu aos adestramentos o martes con moitas ganas para referendar o xogo e as boas sensacións despregados na anterior xornada, no derbi ante o Superti Rececende (5-1), e co preaviso de que os vigueses veñen de dar a sorpresa, impoñéndose ao líder. “Sabemos que non será doado; o rival venceu no último encontro ao Esteo (3-5) e nunha pista inimiga e no anterior tamén lle gañou ao terceiro, 5 Coruña FS (6-1)” expresou Andrés Míguez (Viveiro, 1993), máis coñecido como Souka, que vive a súa segunda tempada nas filas laranxas, tras incorporarse ao cadro xuvenil en 2011-12 dende a canteira da cidade do Landro.
A pesar das referencias máis recentes, o mariñán amósase ilusionado e ve a fronte despexada para regresar cos tres puntos para os laranxas: “Aínda así nós iremos preparados para gañar, a imaxe á que ten que agarrarse o Burela é a que ofrecemos ante o Superti, ese é o camiño a seguir. Cun xogo rápido e defendendo ben o partido será noso” dixo con seguridade Souka, que xa asinou 6 dianas, como unha das máximas ofensivas xunto a Fabio (12), Carlitos (7) e Keko (6).
“Esta é unha categoría esixente e con xente moi veterana; algúns partidos non os estamos rematando ben por inexperiencia, pero creo que xa maduramos moito dende o comezo de tempada e aínda nos queda por diante moita marxe de mellora ata final do exercicio” sentenciou o burelista.
O acto terá lugar o vindeiro luns 18 de maio, coincidindo coa celebración do Día Internacional dos Museos, unha data sinalada para poñer en valor o patrimonio cultural e mariñeiro do concello. Tras un período de traballos de mellora e adecuación, o museo —un referente na comarca— reabre para ofrecer ás persoas visitantes unha viaxe inmersiva a través da herdanza mariñeira, da industria conserveira e da estreita relación das súas xentes co Cantábrico.
Unha obra para todos os públicos. Hora: 20.00. Entrada libre ata completar aforo, non é necesario facer reserva de entradas.
O encontro, aberto ao público, terá lugar na Casa Museo Álvaro Cunqueiro e será moderado por membros da propia asociación. A sesión busca reflexionar colectivamente sobre a posibilidade de que Mondoñedo aspire a ser recoñecida como Patrimonio da Humanidade, abordando a cuestión desde perspectivas históricas, patrimoniais, artísticas, naturais e humanísticas. A actividade comezará ás 11:00 h e a organización anima a toda a veciñanza a participar e compartir opinións.
O Comité de Empresa de Alúmina‑Aluminio San Cibrao informa de que a Secretaría de Industria convocou ao comité á 19ª reunión de seguimento do acordo de viabilidade, que se celebrará o venres 15 de maio ás 12:30 horas na Delegación do Goberno en A Coruña. Unha vez rematada a reunión, o comité procederá a informar aos traballadores sobre os resultados e avances do encontro.
A participación estará aberta do 14 ao 18 de maio, e a persoa gañadora poderá escoller entre cinco modelos diferentes. A propietaria, Susana Moreira, fai un balance moi positivo desta década, na que o negocio evolucionou ata centrarse en mercería, venda de la e artigos artesanais elaborados por ela mesma. Ademais, ofrece arranxos de roupa e organiza cursos e talleres de ganchillo, calceta e bordado, como o previsto para o 23 de maio. A maior parte da clientela e das persoas que participan nas actividades son mulleres, aínda que tamén acoden nenos e mozos interesados en técnicas como os amigurumis.
Será este xoves, día 14 de maio, ás 19:00 horas no salón de actos do Concello. O mago Pedro Bugarín presentará o seu espectáculo titulado Galicia con maxia. Para esta actividade o Concello de Lourenzá conta coa colaboración da Deputación de Lugo.
Nesta ocasión participará Susana Vázquez Fernández, coach de saúde emocional e facilitadora en procesos de duelo e perda, que impartirá o faladoiro “Xestión do ánimo”, centrado en técnicas de relaxación, pensamento positivo e coidado da saúde mental para mellorar o benestar emocional. A actividade está aberta á veciñanza e busca crear un espazo para compartir, aprender e coidarse en comunidade. Conta co apoio e colaboración da Asociación de Xubilados Terramar.
