O BURELA FS QUERE DESPEDIR O ANO COA PRIMEIRA VITORIA
(SÁBADO 22, 18.30 HORAS)
O Burela FS Pescados Rubén chega ao último compromiso de 2012, na primeira incursión na elite, con ganas de vitoria ante un rival moi especial, o Santiago Futsal (18.30). O derbi galego arrincará mañá, ás 18.30 horas en Vista Alegre. Os socios/as laranxas terán acceso gratuíto; para non socios/as a venda abrirase ás 17.30 horas (10 euros/adultos e 5 euros/14-18 anos).
Os pupilos de Julio Delgado, coa axuda da incondicional Marea Laranxa, intentará frear o excelente percorrido dos de Santi Valladares, que saltarán á bomboneira defendendo a terceira praza (20 puntos) e batidos tan só polo Triman Navarra (5-3) hai dúas xornadas.
Santiagueses e burelaos xa se viron as caras noutras tres ocasións recentemente: en pretempada houbo repartición de triunfos, no Memorial Celso Currás de Trabada para os da Mariña (3-1) e no Trofeo de Tui para os de Compostela (2-0); na Copa do Rei os penaltis outorgáronlle a supervivencia aos de Valladares, tras un emocionante partido (5-5). “Esta será a primeira vez que teñamos puntos en xogo” puntualizou o capitán, Juanma, recoñecendo “a alegría de volver á competición e atoparse cómodo na pista” tras dous meses. O pivote espera que o derbi “volva ser un espectáculo dentro e fóra da pista”. “Os dous nos coñecemos moi ben, sabemos cales son as armas do outro” explicou o alfocego, dándolle especial importancia a “non cometer erros e pelexar por que non se rompa o partido para manter as opcións do Burela FS ata o último segundo”.
O Mariskal loou a traxectoria e a filosofía de traballo do rival, calidades que, ao seu parecer, non poden frear as posibilidades laranxas: “O Santiago impón moita intensidade ao xogo, cunha forte presión arriba, buscando os erros do rival en primeira liña. É un grupo compacto que predica unha filosofía de xogo moi clara dende hai anos, pero nós xa demostramos que sabemos enfrontarnos a eles; sempre estivemos dando a cara e nesta ocasión Vista Alegre ofreceranos un apoio vital” sentenciou o capitán mariñán.
Julio Delgado disporá de todos os seus efectivos para a última cita do ano, despois da reincorporación aos adestramentos de Nacho Pedraza, que arrastraba unha leve lesión de abdutor. Nas filas compostelás, non estará Hugo, intervido o luns dunha fractura no pé dereito, e Barroso chega entre algodóns por un edema no pé esquerdo.
Fila 0 por Olaya. Na despedida de 2012, o club laranxa habilitará en Vista Alegre unha Fila 0, cuxa recadación irá destinada a axudar a Olaya Pardo Pérez, unha meniña de tres meses da parroquia veciña de Fazouro que precisa unha prótese de man.
Un xoguete, unha ilusión. Ata mañá a peña burelista A Pataca Naranxa tamén recollerá no pavillón os xoguetes doados para a campaña da Cruz Vermella ‘Un xoguete, unha ilusión’.
Calendario Laranxa 2013. A gran familia burelista volverá entrar nos fogares mariñáns en 2013. A nova edición do divertido Calendario Laranxa poderá adquirirse xa esta fin de semana, en Vista Alegre, coincidindo cos partidos de Primeira División LNFS e RFEF, sábado e domingo, ao prezo simbólico de 2 euros.
Este lume iniciouse ás 14.51 horas do luns e para a súa extinción mobilizáronse, de xeito acumulado, 2 técnicos, 14 axentes, 20 brigadas, 21 motobombas, 1 pa, 5 helicópteros e 7 avións. 
José Luis Teso Celis é o vendedor da ONCE que repartiu estes cartos na localidade mariñá, desde o seu punto de venda situado na Avenida da Mariña, número 46.
Durante a xornada realizarase un mural inspirado na obra Diálogo (1946) de Luís Seoane, que Maruja Seoane levou a tapiz ese mesmo ano. A organización convida a toda a veciñanza a participar con lecturas, conversas, cantos, bailes e un xantar compartido.
O xoves haberá unha gran sardiñada no Campo da Pascua e o venres dedicarase ao Día do Neno con atraccións a prezos populares. A organización corre a cargo da Comisión de Festas de San Xoán de Covas coa colaboración das administracións locais e autonómicas.
Os subcampións foron Benja e Álvaro. O torneo reuniu no Real Club Náutico arredor dun centenar de xogadores procedentes de Galicia, Asturias e Castela e León, consolidándose como unha das citas máis destacadas do calendario musístico da costa lucense. Desde LuMus agradecen “el apoyo del Concello de Ribadeo, del Real Club Náutico de Ribadeo, de Mapfre y del resto de colaboradores y patrocinadores que hicieron posible esta cita, que dio comienzo a primera hora de la mañana y se prolongó durante toda la jornada del sábado”.
O festival De Cabo a Cabo, organizado por Fanto Fantini cunha achega provincial de 20.000 €, puxo en valor a diversidade cultural de Burela, onde o 10% da poboación é de orixe caboverdiana. A programación espallouse por varios espazos da vila con música, intervencións artísticas e torneos deportivos, e contou coa presenza de artistas como Baiuca, DJ Danifox, DJ Kandole, Batuko Tabanka, Lilaina ou Saya. A contribución da Deputación permitiu cubrir a infraestrutura técnica e loxística, así como os custos de organización e contratación das actividades.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
