“OS SOCIALISTAS DIN UNHA COUSA E FAN A CONTRARIA”, AFIRMA O EQUIPO DE GOBERNO BURELÉS. OS POPULARES LEMBRAN QUE TIVERON QUE PAGAR FACTURAS DE ALUMEADO DO NADAL DE 2010 E ENGADEN QUE “CANDO DEUS CREOU A LUZ, OS SOCIALISTAS XA DEBÍAN DOUS RECIBOS”.
Burela, 12 de decembro de 2012. O Equipo de Goberno do Concello de Burela saíu hoxe ao paso do manifestado estes días polo PSOE local, dicindo que “as receitas socialistas levaron ao concello a unha situación de caos económico, tendo que pedir un crédito dun millón cen mil euros para que entre todos paguemos en dez anos o que eles derrocharon en tres”.
Desde o Equipo de Goberno burelés aseguran que “se se lles fai caso aos socialistas, xa sabemos a onde nos poden conducir. No caso do alumeado de Nadal, o ano pasado non se puxo por varias razóns: porque non había cartos para pagar; porque se lle debían a empresa do alumeado as festas de Nadal do ano 2010 e as festas patronais do 2011, e porque cando o PP chegou ao Concello debíanse oito meses de subministro eléctrico, facendo bo aquilo de que cando Deus inventou a luz, os socialistas xa debían dous recibos. Como son uns manirrotos, gastaron o que non tiñan, e agora pagamos a súa festa entre todos cando deberían ser eles os que pagaran o que se quedou a deber”.
Para o Equipo de Goberno burelés, “as receitas socialistas demostran que onde son oposición din unha cousa e cando gobernan fan a contraria. En Burela din o que din, pero na Deputación hai oito deputados provinciais cobrando dedicacións exclusivas de 51.000 euros anuais cada unha, e nin se lles ocorre reducir nin un só euro. Gómez Besteiro disporá en 2013 de dous millóns de euros en autopropaganda e os socialistas calan a boca. Xa postos, algún sindicalista podía renunciar ás súas horas de libre disposición e traballar máis para sacar ao país adiante, e algún político podía renunciar ao que gana na Deputación e repartilo entre os que o necesitan, en vez de saír da casa ás doce da mañá”.
O Grupo de Goberno do PP tamén manifesta que “a auditoría enerxética vainos servir para saber exactamente onde e como podemos aforrar enerxía eléctrica. O bipartito plantexouse facer unha no seu momento, pero en vez de facela gastaron un millóns de euros en faroliñas de deseño de 2.300 euros cada unha que á mínima se torcen, como podemos ver en Arcadio Pardiñas, pero esquecéronse de cambiar as luminarias para aforrar realmente enerxía. Maior mostra de cinismo xa é imposible”.
Finalmente, o Equipo de Goberno do PP manifesta a súa intención de continuar na liña de contención do gasto que se está a seguir, para non gastar o que non se ten e pagar o que se debe. E pídelle ao PSOE que “se quere ser alternativa real de goberno, ten que plantexarse facer outro tipo de oposición, porque con mensaxes coma ese, e tendo en conta o que eles fixeron, a xente non se fía deles, como o demostran os últimos resultados electorais. Dicir unha cousa e facer a contraria non é exemplo a seguir”.
Os subcampións foron Benja e Álvaro. O torneo reuniu no Real Club Náutico arredor dun centenar de xogadores procedentes de Galicia, Asturias e Castela e León, consolidándose como unha das citas máis destacadas do calendario musístico da costa lucense. Desde LuMus agradecen “el apoyo del Concello de Ribadeo, del Real Club Náutico de Ribadeo, de Mapfre y del resto de colaboradores y patrocinadores que hicieron posible esta cita, que dio comienzo a primera hora de la mañana y se prolongó durante toda la jornada del sábado”.
O festival De Cabo a Cabo, organizado por Fanto Fantini cunha achega provincial de 20.000 €, puxo en valor a diversidade cultural de Burela, onde o 10% da poboación é de orixe caboverdiana. A programación espallouse por varios espazos da vila con música, intervencións artísticas e torneos deportivos, e contou coa presenza de artistas como Baiuca, DJ Danifox, DJ Kandole, Batuko Tabanka, Lilaina ou Saya. A contribución da Deputación permitiu cubrir a infraestrutura técnica e loxística, así como os custos de organización e contratación das actividades.
Esta cita, xa consolidada dentro da programación estable do centro, permitirá ao público gozar dunha mostra do traballo artístico e formativo desenvolvido ao longo do curso polo alumnado da especialidade. A actividade constitúe unha oportunidade para achegar a danza á cidadanía e poñer en valor o esforzo, a dedicación e a evolución das alumnas e alumnos participantes.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
