Besteiro invita a Feijóo e ós Presidentes das Deputacións a un encontro en Lugo para coordinar “xuntos” a prestación de servizos públicos
– Enterado polo medios de comunicación da reunión que mantiveron onte os titulares provinciais da Coruña, Pontevedra e Ourense para coordinar actuacións coa Xunta, o Presidente propón un novo encontro no que “se escoiten as necesidades dos lugueses”
– O Presidente da Deputación luguesa enviou hoxe cartas a Feijóo e ós seus homólogos para reunise en Lugo, aproveitando a visita dos populares á capital en xaneiro
– Gómez Besteiro defende a cooperación e o dialógo entre administracións. “Froito deste diálogo” o Presidente acadou que os Servizos Sociais, o sector agrogandeiro ou a crise demográfica se incluísen no protocolo de actuación permanente entre Deputacións e Xunta
O Presidente da Deputación de Lugo, José Ramón Gómez Besteiro, convidou hoxe ó Presidente da Xunta e ós seus homólogos nas institucións provinciais da Coruña, Pontevedra e Ourense a participar nun encontro en Lugo “no que abordar, xuntos, a colaboración que debe existir entres Deputacións e Xunta para garantir servizos públicos ós cidadáns”. Así o adiantou estes venres o voceiro provincial socialista. Manuel Martínez avanzou que Gómez Besteiro fixo esta invitación mediante as cartas que este mesmo vernes o Presidente lugués enviou a Feijóo, Calvo, Baltar e Louzán, dentro da súa aposta pola cooperación entre administracións, sen distincións por cores políticas, e polo diálogo, descartando, en calquera caso, actos partidistas como o de onte”.
Martínez fixo referencia, deste xeito, á reunión institucional deste pasado xoves entre os Presidentes das Deputacións dirixidas polo Partido Popular na que acordaron, “pola súa conta e deixando ó marxe á Deputación de Lugo”, elaborar un “borrador” para fixar as prestacións que os organismos provinciais ofrecerán ós veciños en coordinación co Goberno galego. “Foi unha falta de cortesía institucional non convidar ó organismo lugués. Tivemos que enterarnos polos medios de comunicación”, explicou.
Escoitar ós lucenses
Martínez subliñou que tendo en conta que neste encontro “non se escoitaron as necesidades dos lucenses”, o Presidente da Deputación de Lugo convidou ó máximo mandatario galego e ós 3 titulares provinciais a participar nunha nova reunión na provincia lucense, aproveitando a visita que os populares realizarán á cidade de Lugo en xaneiro. Deste xeito, apuntou, “todos os galegos teremos voz nun asunto prioritario para os cidadáns, como son as prestacións públicas dende as administracións, ante os recortes que están a facer sobre as mesmas os Gobernos galego e estatal. Porque digo eu, os lucenses tamén somos cidadáns galegos e temos dereito a opinar”.
Froito do diálogo
O voceiro apuntou que a proposta que Gómez Besteiro realiza a Feijóo e ós restantes Presidentes das Deputacións en Galicia amosa que “as maneiras da institución lucense son moi diferentes ás doutras administracións. Nós dialogamos non impoñemos”. Como mostra dos “froitos deste diálogo”, Martínez subliñou que en xuño, durante a sinatura do protocolo de actuación permanente entre Deputacións e Xunta, e na que participaron o Presidente da Xunta e os das 4 Deputacións, Gómez Besteiro acadou, “dialogando”, que o financiamento dos Servizos Sociais, o sector agrogandeiro ou a crise demográfica, “como asuntos prioritarios para Lugo”, se incluisen neste protocolo. O voceiro lembrou que, en base a este protocolo e logo de 5 meses da súa sinatura, o Goberno galego adebeda a desempregados e familias lucenses 2,5 millóns de euros. É o orzamento de dous convenios que a Xunta ten pendente de asinar coa Deputación de Lugo.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
Durante tres días desfrutan dun programa intenso de actividades na natureza: montaxe e desmontaxe do campamento, surf en Esteiro, tiro con arco, xincana e diversos xogos. A iniciativa está promovida polas Concellerías de Xuventude e Deporte xunto coa Oficina de Información Xuvenil.
Olimpia López, supervisou hoxe en Cospeito un control da campaña de velocidade da DGT, que busca previr sinistros nun verán de maior tráfico. Lembrou que a velocidade inadecuada está presente no 22 % dos accidentes mortais e apelou á responsabilidade dos condutores: cada km/h conta para salvar vidas.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
Estiveron acompañados polas técnicas de xuventude Mónica López Sanjurjo e Silvia Rodríguez Barreiro, para gozar das diferentes piscinas e tobogáns deste parque acuático. A viaxe estivo organizada polas Concellerías de Xuventude e Deporte e pola Oficina de Información Xuvenil dentro do programa Verán a Tope en Xove 2026.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
O evento, organizado pola Asociación Cultural Xuvenil O Castelo reuniu a numerosos veciños e visitantes e celebrouse durante catro días. A programación incluíu actuacións musicais, actos relixiosos, xogos tradicionais e unha comitiva da camións, coches e motocicletas que percorreron todas as parroquias deste concello mariñán.
