Os bombeiros de Barreiros reúnen 10.400 quilos de alimentos para as familias máis desfavorecidas dos 10 Concellos nos que prestan servizo
– Os profesionais do parque contra incendios entregan hoxe os produtos, entre os que hai 400 quilos de peixe fresco, ós Servizos Sociais municipais para que os distribúan entre as persoas que o necesiten
– Esta campaña solidaria foi a primeira das accións que os bombeiros de Barreiros pretenden levar adiante a través dunha asociación con fins sociais que pretenden crear
Os profesionais do Parque de Bombeiros de Barreiros lograron reunir a través de diversas accións solidarias uns 10.400 quilos de alimentos para distribuír este Nadal entre as familias máis necesitadas dos 10 Concellos nos que prestan servizo. O persoal do complexo contra incendios, posto en marcha polo Consorcio Provincial que integra Deputación de Lugo e Xunta de Galicia, entregarán ó longo da tarde deste venres ós Servizos Sociais destes municipios os produtos para que, como máximos coñecedores da realidade social dos seus Concellos, os distribúan entre as persoas que o necesiten.
Ademais dos alimentos de todo tipo recadados grazas á colaboración dos mariñanos, tanto con achegas en especie, como económicas, repartiranse 400 quilos de peixe fresco, en concreto, pescada, grazas á colaboración da organización Armadores de Burela.
Os Concellos aos que vai destinado o material son: Barreiros, Ribadeo, Foz, Burela, Trabada, Mondoñedo, Lourenzá, Alfoz, O Valadouro e Riotorto. Os produtos foron principalmente recollidos nun maratón de fútbol celebrado a pasada fin de semana no campo Torques de Marzán, en Foz, entre bombeiros dos parques de Barreiros, Viveiro, Vilalba e Lugo, ademais de Gardas Civís, Policías Locais e persoal dos servizos de Protección Civil e do 061 -todos eles de ditos 10 Concellos-. O bombeiros de Barreiros ocupáronse de recoller os alimentos e distribuílos en lotes, para logo entregarllos os Servizos Sociais municipais.
Esta campaña solidaria é a primeira das actividades que os bombeiros do Parque Comarcal de Barreiros pretenden levar a cabo a través dunha asociación con fins sociais que pretenden crear para axudar a persoas en risco de exclusión social da Mariña.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
Durante tres días desfrutan dun programa intenso de actividades na natureza: montaxe e desmontaxe do campamento, surf en Esteiro, tiro con arco, xincana e diversos xogos. A iniciativa está promovida polas Concellerías de Xuventude e Deporte xunto coa Oficina de Información Xuvenil.
Olimpia López, supervisou hoxe en Cospeito un control da campaña de velocidade da DGT, que busca previr sinistros nun verán de maior tráfico. Lembrou que a velocidade inadecuada está presente no 22 % dos accidentes mortais e apelou á responsabilidade dos condutores: cada km/h conta para salvar vidas.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
Estiveron acompañados polas técnicas de xuventude Mónica López Sanjurjo e Silvia Rodríguez Barreiro, para gozar das diferentes piscinas e tobogáns deste parque acuático. A viaxe estivo organizada polas Concellerías de Xuventude e Deporte e pola Oficina de Información Xuvenil dentro do programa Verán a Tope en Xove 2026.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
O evento, organizado pola Asociación Cultural Xuvenil O Castelo reuniu a numerosos veciños e visitantes e celebrouse durante catro días. A programación incluíu actuacións musicais, actos relixiosos, xogos tradicionais e unha comitiva da camións, coches e motocicletas que percorreron todas as parroquias deste concello mariñán.
