Unha vitoria e unha derrota, bagaxe dos equipos de futbol-base do C.D.Foz, esta fin de semana, derradeira xornada deste 2012.Os INFANTÍS de Burunda desprazáronse a Carballo para enfrontarse ao Bergantiños, nun partido que tivo dúas partes ben diferenciadas. O equipo focego na primeira metade fixo un gran fútbol e sorprendentemente foise os vestiarios cun inesperado 0-3. Antón Eijo con dous goles e Iñaki con outro levaban a sorpresa o marcador. Pero na segunda metade as cousas cambiaron e os trocos feitos polo adestrador rival, poñendo no terreo de xogo a xogadores habitualmente titulares, unido o gran derroche feito polos mariñáns, fixeron que un tras outro foran caendo goles nas redes focegas hasta encaixar un total de cinco goles, o que deixou o resultado final nun 3-5.Bo encontro non obstante dos de Burunda, que rematan este ano nunha cómoda decimoquinta posición aloxando dos postos de descenso.Pola súa parte os CADETES en xornada adiantada, desprazáronse a Sarria para xogar ante o titular, e o que golearon por un contundente 1-7. Unha saída espectacular do líder indiscutible da liga fixo que xa a media hora do encontro fora gañando por cero a seis. Baixaron o acelerador os de Oke e xa na segunda metade un gol para cada equipo deixou xa o resultado final nese 1-7. Ivan (3), Gonzalo (2), Germán e Abel foron os goleadores focegos. Gran tempada a que están a facer os focegos que rematan o ano na primeira posición e invictos contando todos os seus partidos por vitorias. A seguir así e sempre Aupa Foz Aupa. Aproveitamos a ocasión para desexarlle a toda a xente do fútbol unha Felices Festas e un gran ano 2013 e en especial a familia do C.D.FOZ.
FOTO: Equipo cadete do C.D.Foz, líder invicto da categoría, suma 13 vitorias en outras tantas xornadas.
Cada participante pode presentar unha única fotografía, en papel e formato dixital, seguindo as bases dispoñibles na web da Deputación. A celebración do aniversario inclúe actividades como a Xornada de Degustación da Tenreira de Ancares, unha xornada micolóxica e un obradoiro de rescate na montaña, ademais doutras propostas ambientais e divulgativas nos próximos meses.
Dez minutos antes das 21:30 horas do xoves, o 112 Galicia foi informado polo persoal de Adif dun tren detido no medio dun túnel en Mogor, Mañón, debido a unha chapa metálica no medio da vía. Así, aínda que as doce persoas que viaxaban a bordo estaban ilesas, precisaban medios de rescate para baixalas do convoi e desprazalas ata o apeadeiro máis próximo. Nestas tarefas colaboraron a Garda Civil, os Bombeiros do Eume, o GES de Ortigueira e os voluntarios de Protección Civil de Mañón. Finalmente, as persoas foron rescatadas e evacuadas a outro tren, que as levou ata o apeadeiro sen maiores complicacións. Desde alí, continuaron a súa viaxe en taxi.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
Ás 15:15 horas deste martes, un particular solicitou asistencia sanitaria tras a caída dun raio no lugar de Castro de Igrexa (Cazás, Xermade). Varias persoas sentiron os efectos da descarga eléctrica e unha delas quedou atolada. Tras dar aviso ao Servizo de Urxencias Sanitarias de Galicia-061, Garda Civil e Protección Civil, a persoa afectada foi evacuada consciente ao Hospital Universitario Lucus Augusti.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
