UNIFOZ esixe ó alcalde que reduza gastos en festas para centrar os esforzos económicos en emprego e servizos sociais

Unifoz, si fai uns días censuramos a este goberno do PP de Foz pola súa desorganización e a falta de xestión co persoal do Plan de emprego, temos que facelo una vez máis por gobernar ao MARXEN DA LEI, como o demostra os seguintes feitos:
-O mantemento do ALUMEADO PÚBLICO está de forma irregular ,porque despois de rematar o período da concesión ao día de hoxe, aínda non se sacou a concurso dende fai máis de seis meses.
-O servizo de ATENCIÓN A DEPENDENTES está de forma irregular, porque despois de rematar o período de concesión ao día de hoxe , aínda non se sacou a concurso.
-O servizo de ESCOLAS DEPORTIVAS está de forma irregular, porque despois de rematar o período de concesión ao día de hoxe , aínda non se sacou a concurso.
– Despois de 18 meses de goberno popular en Foz, este goberno ten máis de medio cento de informes de reparos de intervención, que demostran que este Alcalde goberna ao seu entoxo e na absoluta ilegalidade.

Dende Unifoz, esiximos ao Sr Alcalde cumpra a lei, así como reduza gastos en festas, para centrar os esforzos económicos en traballar polo emprego e para atención aos servizos sociais.

Jaime Cancio Rodríguez, Ana Mª López Campoamor, Mª Ángeles Veiga Varela.