Voluntarios de Alcoa visten de Nadal o Centro de Maiores de Xove e arranxan un aparcadoiro na Vara
Os voluntarios de Alcoa repártense mañá, 14 decembro, para vestir de Nadal o Centro de Día de Maiores do Concello de Xove e acondicionar un parking público na Vara próximo ao Club de Tiro Olímpico. Como apoio a estas iniciativas solidarias dos traballadores da compañía, Fundación Alcoa doa 3.000 dólares a cada unha das dúas organizacións in ánimo de lucro coas que colaboran, a Asociación de Mulleres Bolboretas e ao Club de Tiro Olímpico da Costa Lucense.
No Centro de Maiores, os voluntarios de Alcoa montarán as mesas adquiridas co diñeiro doado por Fundación Alcoa ás Mulleres Bolboretas e instalarán a decoración do Nadal para que as persoas maiores do municipio mariñán, que acoden cada día a compartir e gozar de actividades de lecer cos seus veciños, atopen un ambiente acolledor e alegre propio das festas de Nadal. A actividade será tamén unha ocasión para gozar dunha colaboración lúdica entre voluntarios e persoas maiores usuarias do centro.
Na Vara, os voluntarios adecuarán a chaira do aparcadoiro, marcando no chan as posicións para aparcar, plantarán árbores de sombra e colocarán bancos de pedra, dotando o lugar de utilidade para todos os veciños e visitantes.
En colaboración coa Asociación de Mulleres Bolborestas, os voluntarios de Alcoa veñen realizado actividades diversas en beneficio para a comunidade da Mariña, como a remodelación dun parque infantil e o marcado da ruta de sendeirismo ?Pau dá Vella?, ademais de numerosas colaboracións individuais.
Mulleres Bolboretas conta con 50 afiliadas e promoven actividades cívicas como cursos de galego, cociña, costura e manualidades, así como charlas sobre temas de interese para a cidadanía e de lecer e entretemento, como viaxes e actividades deportivas.
Fundación Alcoa enmarca esta iniciativa nos seus Plans Acción, que promoven o voluntariado social dos empregados do Alcoa na comunidade da súa contorna.
A misión da Fundación Alcoa é mellorar e fortalecer as oportunidades en educación, asistencia sanitaria, medio ambiente e desenvolvemento cultural para os habitantes das comunidades nas que a compañía está presente.
Esta cita, xa consolidada dentro da programación estable do centro, permitirá ao público gozar dunha mostra do traballo artístico e formativo desenvolvido ao longo do curso polo alumnado da especialidade. A actividade constitúe unha oportunidade para achegar a danza á cidadanía e poñer en valor o esforzo, a dedicación e a evolución das alumnas e alumnos participantes.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
