O Concello de Xove fomenta o deporte en galego
Mañá martes ás 19:00 horas da tarde, no Salón de Plenos, o Concello entregará unha réplica dos valos publicitarios da campaña EN GALEGO ENTÉNDOTE, NON CAMBIES a cada unha das persoas deportistas que cederon a súa imaxe na mesma.
A entrega correrá a cargo do alcalde José Demetrio Salgueiro Rapa, da concelleira de turismo e deportes Cristina Iglesias Guerreiro e da axente de emprego e desenvolvemento local Rosa Lage Canoura.
Esta campaña deseñada para reforzar o idioma galego a través do deporte o pasado mes de outubro foi subvencionada pola Consellería de Educación e Ordenación Universitaria tivo dúas accións:
-Asesoramento ás entidades deportivas para a normalización e normativización da súa documentación, para que o galego sexa a súa lingua de comunicación. Esta acción desenvolveuse coa colaboración do Servizo de Normalización Lingüística da Mancomunidade da Mariña.
-Campaña gráfica, deseñáronse e colocáronse 5 valos publicitarios de gran formato, empregando a imaxe de dez persoas do pobo vinculadas ao mundo do deporte, nas que se inclúe a pé de foto unha frase que describe a súa relación co idioma galego e un slogan común aos 5: EN GALEGO ENTÉNDOTE, NON CAMBIES. O obxectivo que se persegue con esta acción é incrementar o uso do galego, sobre todo incidindo nunha situación que se está a incrementar, a saber: o cambio de idioma de rapaces e rapazas (e doutras idades) galegofalantes cando a persoa interlocutora emprega o castelán e entende o galego.
Estes valos foron colocados nos espazos onde se practican os deportes que reflicten: campo de fútbol (no exterior), pavillón municipal (no interior) e piscina municipal (no interior). As persoas que cederon a súa imaxe foron elixidas pola súa vinculación co deporte e polo seu liderado:
-Cristian Rodríguez. Campión galego de bolo celta, categoría xuvenil. Ano 2010.
-Luís Fernández. Ex-xogador da U.D. Xove Lago
-Quelle e Dani López. Xogadores do Xove Fútbol Sala
-Mirta Escuredo. Nadadora do Clube de Natación de Xove. Subcampiona de España Absoluta 100 Braza. Ano 1998
-Pilar Vázquez, Noela Bouza, Javiera Duarte, Alba Balseiro e Lucía Fernández. Conxunto cadete de Ximnasia Rítmica Xove. Subcampionas galegas deporte escolar. Ano 2012
Traballo conxunto:
Estas dúas accións realizáronse conxuntamente coas entidades deportivas do municipio que se interesaron en participar: ACD Xove, Escola de ximnasia rítmica, Fútbol sala Xove, U.D. Xove-Lago, Clube de bolos e Escola de natación.
As responsables municipais da campaña son Cristina Iglesias (concelleira de turismo e deporte) e Rosa Lage (axente de emprego e desenvolvemento local)
Carácter innovador:
Trátase dunha campaña innovadora, xa que emprega a imaxe de persoas coñecidas veciñas dun pobo de menos de 3.600 habitantes, que serve como reclamo importante de atención.
Pretende incidir nunha situación concreta: o cambio de idioma de rapaces e rapazas (e doutras idades) galegofalantes cando a persoa interlocutora emprega o castelán e entende o galego, pensamos que tamén isto ten un carácter innovador.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
O campo de fútbol do Cascabeiro acolleu o pasado sábado a III Festa do Mexillón, organizada polo Celta Barreiros. Centos de persoas achegáronse a gozar dunha tarde de gastronomía e de música. En total foron servidas 670 racións entre veciñanza e visitantes, que saborearon mexillóns e lacón. Os organizadores amosasen satisfeitos da acollida: “estamos contentos pola boa resposta dos asistentes”. E tiveron palabras de agradecemento “para os Concellos de Barreiros e de Foz pola boa colaboración”.
Familias, amizades e persoas de todas as idades viviron cada xogada e cada aplauso, evidenciando que o fútbol é tamén unha oportunidade para fortalecer a convivencia e a unión da veciñanza. O municipio felicitou á Selección Española polo seu título mundial, un éxito histórico que fixo vibrar a toda a comunidade.
O acto está organizado pola Asociación de Irmandade Locudy, nunha proposta cultural que pon o foco na relación entre Galicia e Bretaña a través da figura de Castelao.
Era o único ocupante do vehículo. O 112 Galicia tivo coñecemento do accidente uns minutos despois das 10:00 horas deste domingo. Segundo indicou un particular, un coche caera por un desnivel duns 20 metros no quilómetro 2 da LU-P-6104. Desde a Sala de Operacións do 112 Galicia informouse ao Servizo de Urxencias Sanitarias de Galicia-061, aos Bombeiros de Barreiros, á Garda Civil de Tráfico e á Agrupación de Voluntarios de Protección Civil de Trabada. Unha vez no punto, os servizos de emerxencias indicaron que había unha persoa falecida, único ocupante do vehículo, sen que nada se puidera facer por salvarlle a vida.
A cita, consolidada como un referente do verán cultural no municipio, reuniu na Praza dos Campos á formación anfitriona do encontro, a Agrupación La Sidrina, de Lugones (Asturias) e o Grupo Folklórico Estampas de México. A programación continuou o sábado coa celebración do Festival Folklórico Infantil. Villares puxo en valor o labor que o grupo Mistura desenvolve durante todo o ano na conservación e difusión do patrimonio cultural galego, así como a importancia de iniciativas coma este festival “para manter vivas as tradicións e dinamizar a vida social e cultural dos nosos concellos”.
A eucaristía, un dos actos centrais das festas patronais de Foz, continuou coa tradicional procesión e coa ofrenda floral en memoria das persoas falecidas no mar. A mandataria provincial formou parte da comitiva xunto a numerosos veciños e veciñas, visitantes, membros da corporación municipal e a pregoeira desta edición, María Nelle Castro Neira, focense moi vinculada ás festas desde a infancia.
